Inicio > Chigres > Bonos deseyos pal 2018
ChigresEncamientosGastronomíaInternacionalLlagaresOpiniónSidreturismuTasties

Bonos deseyos pal 2018

La revista LA SIDRA entama una tormenta de bonos deseyos pa la sidre asturiano nel 2018.

LA SIDRA.- Camuda l’añu y como nun podríe ser d’otra miente, los bonos propósitos y meyores deseyos son cuasique una obligación. Por eso, y viviendo la sidre como la vivimos, toos tenemos una fargatada de bonos deseyos pa la nuesa sidre que queremos que se faigan rialidá esti añu.

Ello asina, LA SIDRA entama una tormenta de bonos deseyos que se desendolcará per  facebook, dende güei y fasta’l prósimu 14 xineru, y na que se pide a tol mundiu que faiga les sos aportaciones ensin dengún complexu nin llimitación, comencíos que del esfuerciu común saldrán perbones idegues y reivindicaciones coles que facer medrar el mundiu de la sidre y de la cultura asturiana de la sidre. 

P’animar a la participación LA SIDRA sorteará ente les presones qu’apurran idegues -que nun tienen por qué ser necesariamente orixinales- 12 colleiciones completes de la revista de los años 2016 o 2017, a recoyer na oficina d’esta espublización, na cai Prendes Pando 11 33208 Xixón. Asturies.

(Visited 2.464.979 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies