Inicio > AS > Eventos > Bona confradería de los siceratores
Eventos

Bona confradería de los siceratores

El IV Axuntábense distingue a Tino ‘El Roxu’, Luis Piñera, María Cotiello y Fomentu de la Sidre Tradicional

LA SIDRA.- Corchóse sidre de 55 llagares en botelles d’edición llimitada, que la confradería emplega como regalu istitucional. El pintor Favila acupóse de la imaxe de la etiqueta y el cartelu y Nacho Quesada del diseñu gráficu.
 
El IV Axuntábense de la Bona Confradería de los Siceratores tuvo presentáu por Milio’l del Nido y animáu pol cantante asturianu Odón García, y nelli nomáronse como nuevos confráderes de méritu a Tino “El Roxu”; al llagareru Luis Piñera, del Llagar del mesmu nome en Deva, l’atriz mierense Maria Cotiello y l’Asociación de Fomentu de la Sidre Tradicional Asturiana.
 
Nel actu viviéronse momentos especialmente intensos, como nel casu del Tino “El Roxu”, y en toles sos intervenciones los nuevos confráderes de méritu manifestaron pa defender la nuesa bébora patrio y denunciar l’estáu de desdexamientu istitucional que carez, desixendo una mayor atención y pricuru.
La ocasión foi aprofitada pol Gran Mayestre de la Confradería, pa reclamar un mayor compromisu políticu en defensa del Muséu de la Sidre de Nava, denunciando que conforme tan les coses “el Muséu ta condergáu a presllar, y nun sé de quién depende la solución, porque ente toos matáronla”
 
Tres l’actu istitucional la confradería convidó a los asistentes a una espicha nel so llocal social, el Llagar de Lolina en Nava. 

(Visited 2.466.473 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies