Inicio > Uncategorised > BASES DEL X CONCURSU SEMEYES “LA SIDRA” (ASTURIANU)
Uncategorised

BASES DEL X CONCURSU SEMEYES “LA SIDRA” (ASTURIANU)

BASES DEL X CONCURSU SEMEYES “LA SIDRA” (ASTURIANU)

1. Van Poder participar toles presones (seyan profesionales o aficionaes) qu’unvien semeyes dientru’l plazu siñaláu y nos soportes riquíos en cas casu. Les semeyes namá podrán ser presentaes polos sos propios autores.

Pol fechu de participar, el participante afirma ser autor de les semeyes y tar en plenu drechu p’autorizar que seyan espuestes y espublizaes en catálogos, trípticos, pósters, etc., dexando esti drechu a los sos entamaores y a los sos organismos cimeros CEF, que tarán obligaos siempres a mentar l’autor y l’entítulu la obra. Los entamaores y organismos cimeros queden esxentos de cualisquier responsabilidá énte la reclamación por drechos d’imaxe de terceros.

Esti concursu tien la reconocencia de la CEF  (E/2017/2) y ye puntuable pal llogru de los entítulos d’Artista, Escelencia y Mayestru de la CEF. Por ello, el concursante concede la so autorización a los entamaores y al so organismu cimeru CEF, pa que los sos datos presonales seyan mecanizaos, siempres nel ámbitu esclusivu de la divulgación artística de les sos obres, y pa la espublicación de los sos méritos y premios destinaos pal llogru de distinciones CEF.

Los entamaores y concursantes sométense al reglamentu de reconocencies de la CEF y a les presentes bases. Si dalguna situación nun tuviera contemplada nestes normes, va ser estudiada pola organización, que podrá consultar cola CEF, y va ser resuelta pola Xunta Direutiva. Nun van poder participar nel concursu los miembros de les Xuntes Direutives de les entidaes entamaores, nin los sos familiares

2. Namás van almitise semeyes rellacionaes cola sidre, la mazana o cualesquier de los sos derivaos, conforme a les carauterístiques descrites nestes bases.

El númberu máximu de semeyes presentaes per ca autor va ser de cinco (5).

Si s’atopen semeyes feches por una mesma cámara, presentaes so diversos nomes, tolos autores implicaos quedarán automáticamente descalificaos.

3. Almítense tolos xéneros y procedimientos esencialmente fotográficos. Sicasí, nun se van almitíes a concursu les infografíes. van valorase les imaxes que representen el procesu d’ellaboración y consumu de la sidre en cualquier aspeutu tantu dientro como fora d’Asturies.

4. Les semeyes tienen d’unviase nos soportes indicaos y dientro del plazu de duración del concursu: dende’l momentu de la espublización d’esta convocatoria en LA SIDRA (Fundación Asturies XXI) o na páxina web de FB de Asemeyando, y fasta el 10 de xineru de 2017.

La inscripción ye gratuita 5.

Establezse una sola modalidá: (DIG) Archivos Dixitales. Les imaxes unviaránse en baxu resolvimientu pa la so proyeición, (1200 pixeles pel so llau mayor y 72 ppp) y n’altu resolvimientu (ver siguiente estremáu de les bases) pa que l’entamaor pueda exercer el so drechu a reproducir les obres nos sos catálogos o los medios previstos nestes bases. Les semeyes unviaránse en formatu dixital a la direición concursolasidra@gmail.com

6. Les imaxes qu’opten al premiu de la categoría Fotografia Dixital van haber d’unviase en formatu estruyíu en JPG, con un tamañu de 50×70 cm y un resolvimientu de 254 ppp, ensin marcos, tando la imaxe a sangre nel llenzu. Nel corréu tendrá de figurar el nome y direición postal del autor, el so teléfonu, númberu de sociu Cef si procede, y el  testu indicativu de pilpallos de semeya pa cada semeya que s’unvie.

7. Les semeyes nun podrán tar premiaes en dengún otru concursu.

8. Un xuráu cualificáu formáu poles presones que va designar Asemeyando Asociación Fotográfica, y ente les que se va incluyir un xuráu CEF, va escoyer, ente les semeyes recibíes, a la ganadora, los dos accésits y la mención especial JR.

Podrán refugase aquelles obres que nun s’afaigan a la tema alcordada o nun s’afaigan al formatu esixíu.

El fallu del xuráu rializaráse nun actu público y abiertu y va ser inapellable y definitivu.

9. Nun se permitirán firmes, marcos nin testos sobro les imaxes.

10. Les 20 imaxes finalistes van formar parte de l’amuesa “Semeyes Sidreres” que se va esponer nel actu d’entrega de premios. Esta esposición va poder ser itinerante al envís de potenciar a la cultura asturiana de la sidrr.

11. Los premios a los qu’opten les semeyes son:

•           Imaxe ganadora dotáu con 700 € en metálicu, medalla d’oru CEF, y llote de llibros y productos sidreros.

•           1er accésit dotáu con 200 € en metálicu, medalla de plata CEF, y llote de llibros y productos sidreros.

•           2º accésit dotáu con 100 € en metálicu, medalla de bronce CEF, y llote de llibros y productos sidreros

•           Mención especial “Sidra JR” dotáu con dos caxes de sidre a la meyor semeya en rellación con dichu llagar y/o los sos productos. Podrá optar a esti premiu cualesquiera de les semeyes presentaes.

•           A los premiaos va aplicase la correspuendiente retención prevista na llexislación tributaria vixente.

•           Les primeres 25 obres van recibir puntuación CEF

12. Tolos finalistes van recibir un diploma ya invitación a la espicha d’entrega premios.

13. Los premios a les meyores semeyes (previa comunicación per e-mail o teléfonu a los ganaores) van faese públicos na revista LA SIDRA (F. Asturies XXI) y la ueb de fb de Asemeyando.

14. Les semeyes premiaes y una esbilla de los meyores van ser espublizaes na revista LA SIDRA (F. Asturies XXI).

15. Toles semeyes finalistes van ser espublizaes y nel so casu van poder ser utilizaes por LA SIDRA (F. Asturies XXI), respetando’l so formatu d’imaxe y mentando al autor.

La organización acútase’l drechu d’espublización de les semeyes na revista, llibros y restu de material que pudiera editase col únicu oxetivu de potenciar y espublizar la cultura asturiana, la sidre y esti mesmu concursu, citando espresamente al so autor. Nun va esistir dengún tipu d’arriquecimientu nel espardimientu de diches obres.

16.El fechu participar supon l’aceptación dafechu de les presentes bases.

 

VER BASES N’ESPAÑOL

(Visited 1.414.954 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies