Inicio > AS > Tasties > Bases del III Concursu de Sidre Casero fecho en maera
Tasties

Bases del III Concursu de Sidre Casero fecho en maera

BASES DEL CONCURSU DE SIDRE CASERO TONELERIA HNOS ARGÜELLES

1ª Podrán concursar tolos llagareros/es non profesionales de l’Asturies hestórica. (L’Asturies d’anguañu, la de Santillana, la de Tresmiera, La Llébana, norte de lleón y suroriente de Lugo), qu’ellaboren la sidre en pipes de maera.

2ª Ca concursante tien d’apurrir seyes (6) botelles d’igula calidá, en cascu de botella sidre normal o axampanao.

3ª Les botelles nun cuntarán con dengún signu que puea identificar a los concursantes.

4ª La entrega botelles podrá rializase dende’l díi 17 al 20 d’abril a les 12:30 hores, dambos incluyíos, Bien en L’Ayalga (Prendes Pando 11 baxu. 33207 Xixón) o nel Muséu del Pueblu d’Asturies. Teléfonu de contautu 678 506 490.

5ª El xuráu tará compuestu por cincu presones. Rializaráse una tastia inicial pa esbillar les 10 botelles finalistes. Darréu tomaranse nueves botelles de les 10 series esbillaes y el xuráu tornará a evaluar la so calidá. La sidre qu’algame más puntos nesta segunda ronda sedrá la ganaora.

6ª La entrega premios rializaráse una vuelta fináu’l concursu, siendo obligao la presencia del llagareru, casu contrariu, el premiu sedrá pal siguiente clasificáu.

7ª Tou participante, pol fechu concursar, acepta estes bases asina comu’l fallu del xuráu, quedando ésti autorizáu pa dirimir cualisquier dulda que se plantegue demientres la cellebración del concursu.

8ª Les botelles sobrantes quedarán a dimposición de la organización, que les distribuirá de baldre ente toles presones qu’acudan al concursu.

9º Los premios sedrán:

Primer premiu.- Pipa maera castañal, cortesía de tonelería Hnos Argúelles y llote llibros cortesía d’Espublizastur.

Segundu premiu.- Arca artesanal, cortesía de tonelería Hnos Argúelles y llote llibros cortesía d’Espublizastur.

Tercer premiu.- Talla de maera cortesía de tonelería Hnos Argúelles y llote llibros cortesía d’Espublizastur.

11º El concursu entamará’l domingu 20 de abril a les 12:30 hores nel Muséu del Pueblu d’Asturies de Xixón.

(Visited 2.465.128 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies