Inicio > Internacional > Bad Hombre, una nueva sidre con concenxa social
InternacionalLlagares

Bad Hombre, una nueva sidre con concenxa social

El llagar Bent Ladder vien de sacar al mercáu una sidre con beneficios pa la ACLU (Asociación Americana pa les Llibertaes Civiles).

LA SIDRA.- “Bad Hombres” foi la primer espresión n’español pronunciada por Donald Trump demientres la so campaña pa referise a los mexicanos. Agora tien un sinificáu más saborgosu: la nueva sidre de Bent Ladder cellebra la diversidá cultural.

Ellaborao con una mestura de mazanes y envieyao demientres seyes meses en pipes de tequila de México acabante vaciar, tien el inconfundible saborgu del agave dolce, mazana, frutes saborgoses y un toque kiwi.

Y parte los ingresos de la so vienta va ser donao a la ACLU, ya que Matt Vodraska, co-propietariu y llagareru creyi que la proteición de los drechos civiles de tolos individuos ye fundamental. “L’agricultura americana nun taría onde ta güei ensin la contribución integral de les cultures llatines”, dixo.

Bent Ladder, afitada nes pumaraes Rittman nel 2015, especialízase na produición propia de vinu y sidre, con tolos procesos de xorrecimientu, mayáu, formientación y corcháu fechos in situ, siendo Bad Hombre la postrer de les nueve sidres ellaboraes.

(Visited 2.466.641 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies