Inicio > Cultura sidrera > Azuqueca, con Asturies y cola sidre
Cultura sidreraDellosEventosEventosInternacional

Azuqueca, con Asturies y cola sidre

La recién costituyía Casa d’Asturies n’Azuqueca cellebra un concursu d’echaores cola xida del Díi d’Asturies

LA SIDRA.- Los asturianos festexen les sos tradiciones auquiera que vaigan. Si ayeri se reconocía coles Medalles d’Asturies el valir de los cientros asturianos n’estremaes partes del mundiu por caltener, dar puxu y desendolcar la cultura asturiana nos países d’acoyía, ye d’obligación tamién reconocer iniciatives ciudadanes esistentes nel territoriu estatal. “Nel Díi grande d’Asturies la Casa quier cellebralo per tolo alto y por ello a les 12 la mañana fadremos una misa na parroquia de la Santa Curz, onde la Santina tará presente” despliquen dende la xunta direutiva y amiesten: “Dempués una procesionina fasta’l Parque de la Quebradilla acompangaos por gaiteros de la tierra dará pasu a un piqueñu piscolabis pa los sociaos”.

A destacar tamién que demientres les Fiestes d’Azuqueca, La Casa d’Asturies sofitada pela Peña Las Torres fadrá una fiesta asturiana. Nella quier conseguise’l récor d’echáu al empar de sidre fuera d’Asturies. “Prevése l’asistencia de más de 500 presones que brazu n’altu intentarán algamar el récor. La velada tara amenizao por música de la tierra y habrá daos pa los paticipantes nesti récor” indiquen- Una iniciativa que la revista LA SIDRA vien dando puxu recoyendo nes sos páxines y nesta ueb ediciones anteriores dando bona de los sos participantes ¡Puxa Asturies!

 

(Visited 2.467.144 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies