Inicio > AS > Noticies > Auténticu, por fin la camiseta de la DOP n’asturianu
Noticies

Auténticu, por fin la camiseta de la DOP n’asturianu

El retrasu de la versión n’asturianu de la camiseta de la DOP n’asturianu prevocare un auténticu revuelu.

LA SIDRA.- La iniciativa de la DOP Sidre d’Asturies cola so camiseta verde “100% Asturianu, Auténticu”, ta resultando ser un auténticu ésitu social, pero el fechu d’apaecer namás n’español llegó a poner en custión la propia campaña, xenerando un malestar que tuvo repercusiones na cai, por supuestu, pero sobro too nes RRSS, qu’arroxaron criticando’l despreciu a los asturianos que yera nun sacar la versión na llingua d’Asturies, ya inclusu daqué mediu de comunicación llegó a acusalos de ser “Asturianos namás pa lo que-yos interesa”.

Afortunadamente l’enguedeyu yá ta iguáu y les nueves camisetes col testu n’asturianu yá tan disponibles, colo que queda bien nidio que’l compromisu de la DOP Sidre d’Asturies ye más firme de los que munchos camentaren, y de que saben ser asturianos pa lo propio y pa lo ayeno.

 

Nesti sen, préstamos amestar que por xentileza de la mesma DOP, LA SIDRA entamará un sortéu de 15 camisetes d’estes a traviés de facebook.

Por cierto, la DOP Sidre d’Asturies cellebrará la so VIII Edición del Salón de la Sidre d’Asturies el prósimu 20 de xunu na Llaboral Cientru d’Arte y Creación Industrial (Xixón), n’horariu de 11.30 a 14.30 y de 17.00 a 20.00 siendo preciso invitación p’asistir.

(Visited 2.466.670 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies