Una ueb de los Estaos Xuníos asitia Asturies dientru’l País Vascu, y califica comu sidre vasco a la nuesa sidre.
LA SIDRA.- La ueb starchefs.com especializada en gastronomía y enoloxía, asitia Asturies dientru’l País Vascu, y califica a la Sidre Ramos del Valle, del Llagar Fran y “Meyor Sidre d’Asturias 2013 DOP”, comu sidre vasco nun desafortunáu artículu nel que fala de cócteles ellaboraos con esa sidre.
Esti fechu, que nun pue considerase aneudóticu por nun ser nin el primeru nin, de xuru, el caberu, pon de nueu n’evidencia comu la sidre asturiano pierde tarrén en cuantes a reconocencia a nivel internacional.
Y ye que comu venimos denunciando dende LA SIDRA nun ye lo mesmo tener un gobiernu propiu que defende lo suyo, que carecer un “Principado” impuestu que desprecia tolo asturiano y que nun paez tener más enfotu que facer d’Asturies un barriu de Madrid. Asina, mentes el País Vascu lleva la so sidre por bandera per tol mundiu, el “Principado” continúa faciendo los actos oficiales con vinu español y publicitándose comu “La España del Norte”.
Curiosamente foi una ueb vasca la primera que dio la voz d’allarma, que salió en defensa de la sidre asturiano y que corrixó a los autores del desaguisáu, talo comu pue vese nel so artículu, dexando nidio que’l problema nun son los vascos, sinon los principadianos.
sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr
