Inicio > Eventos > Asturies Sidre Brut
EventosLlagaresTasties

Asturies Sidre Brut

El Conseyu Regulador DOP Sidre d’Asturies impulsa la sétima edición del eventu.

LA SIDRA.- La sidre brut ta de moda. Y entá ye más nestes feches.

Asturies Sidre Brut algama esti añu la so sétima edición coles mires de poner en valor esta sidre, non yá ente los asturianos, sinón tamién ente los miles de turistes que mos visiten nesta dómina del añu.

Lo qu’escomenzó siendo un eventu llocal, llindu a Xixón, estiañu convirtióse nun acontecimientu nel que participen más de 300 establecimientos de tol país.

Esta edición, entamada ayeri, va allargase fasta’l prósimu 7 de xineru y va cuntar cola participación d’Emilio Martínez (El Gobernador), Poma Áurea (Trabanco), Pomarina (El Gaiteru) y Solaya (Quelo).

Emilio Martínez ye una brut nature de borbolla fina, arumes afrutaos y fresca acidez, ellaborao con mazana Regona, Raxao y Blanquina.

Poma Áurea ye de collor mariellu doráu, borbolla fina y nidia, con un llixeru regustu a fuste, ellaborao con Regona y Raxao.

Pomarina tien un collor mariellu rellumante, golor intensu y matices frutales y cítricos, ellaborao coles races De la Riega, Verdialona, Raxao ya Regona.

Solaya ye de collor mariellu payizu tirando a verdosu. Tien una borbolla fina y un golor llimpiu, con notes florales, nidia, qu’alcuerda a la mazana madura.

Estes Navidaes pide Sidre Brut y brinda colo auténtico.

(Visited 2.466.037 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies