Inicio > AS > Noticies > Asturies cabezalera en cocina pa celiacos
Noticies

Asturies cabezalera en cocina pa celiacos

El Fartuquín y Casa Niembro ocupen el primer y tercer puestu respeutivamente a nivel estatal, en cocina llibre de gluten.

LA SIDRA.- Nos meses de payares y avientu de 2015 www.celicidad.net anunció qu’El Fartuquín de Uviéu, Casa Niembro en Asiegu y La Ruta en Cangas del Narcea atopábense dientru la llista de los 10 meyores restoranes ensin gluten meyor valoraos na so APP. Agora, esta plataforma especializao en celiaquía torna a posicionar a los dos primeros establecimientos dientru’l so ranking, pero yá non solo de los dos meses enantes citaos, sinon de tol añu. “Los datos son de mayu de 2015 a xunu de 2016 y contabilizáronse más de 2.800 votos” indicó Lorena Pérez, del departamentu comunicación, Tamién hai de destacar que la sidre ye una de les bébores llibre de gluten que más se consume. Munches presones celiaques siñalen que tomar sidre n’Astuires ye un lluxu, yá qu’a nivel d’España la sidre nun tien cuasique presencia y “dir de cañes” nun ye una posibilidá porque, anque yá les hai ensin gluten, pocos establecimientos cuenten con elles.

 

Asturies, xunta Madrid y Barcelona, ye cabezalera a nivel estatal en cuantes a númberu de restoranes afayaos pa celiacos. La páxina ueb enantes citada, cuntó 134 restoranes ensin gluten nel nuesu territoriu, ya indica que la incidencia de casos de presones con celiaquía en  Cangas del Narcea, Tinéu, Degaña e Ibias concenxó a los restoranes de dichos conceyos a ufrir menús afayaos a ellos.

(Visited 883.920 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies