Inicio > Sin categoría > Arrinca’l concursu de bandes musicales entamáu pola DOP Sidre d’Asturies
Sin categoría

Arrinca’l concursu de bandes musicales entamáu pola DOP Sidre d’Asturies

El premiu de “Sidra Sound 2018” consistirá nun videoclip producíu por Juan Luis Suárez, productor musical y ex guitarrista d’El Sueño de Morfeo

LA SIDRA.- Demientres les prósimes selmanes Asturies esperimentará toa una revolución musical gracies a la nuesa bébora estrella. La DOP Sidre d’Asturies entra de lleno nel panorma artísticu pa dar puxu a les bandes del país. Ye inegable qu’esta ye una tierra n’onde la música, lo mesmo que la sidre, ye esencial pa la vida de los asturianos. Amás que ye una de les Comunidaes Autónomes con más actividá de grupos rock, folk, pop, punk o fusión. Asina mesmo tamién hai que dicir que, llamentablemente, ca vegada son menos los escenarios n’onde les bandes asturianes puen tocar, aspeutu que foi denunciáu n’estremaes ocasiones, siendo esti mediu comunicación, un vehículu que siempres fixo de les sos peticiones y denuncies.

Pero bono, al moxicu, lo bramente importante ye que per primer vegada entámase unconcursu de bandes gracies a la Denominación d’Orixe Protexía. La sé del Conseyu Regulaor acoyó esti meudíi la presentación del “sidre d’Asturies Sound 2018”, un certame que tien como oxetivos fundamentales “dar puxu y desendolcar nuevos talentos nel panorama musical asturianu, asina como aaniciar unvínculu emocional ente’l públicu xuvenil y la DOP Sidre d’Asturies” siñalen dende la organización.

L’actu presentación cuntó cola presencia del xerente de la DOP Sidre d’Asturies, Daniel Ruiz; el productor musical, cantante y compositor, David Feito (es componente d’El Sueño de Morfeo); y Tiago Lemos, xerente de “Departamentu de Marketing”, entidá entamaora del concursu. Daniel Ruiz quinxo destacar qu’esti concursu, puestu en marcha pola DOP Sidre d’Asturies, supón dar “un pasu al frente na promoción de Sidre d’Asturies, dau qu’apuesta por xuncir el públicu xoven y el nuesu productu más queríu y emblemáticu, al traviés de la canal de les redes sociales”. Dsvid Feito, pels o llau, punxo en valor l’apueste que DOP Sidre d’ASturies fexo pa demostrar que la sidre nun tien por qué tar vinculada namás a la música folk, y sobro too por averala al públicu xoven, daqué que “supón tou un retu”, sigún el propiu Feito.

Mecánica del concursu

Les bandes que quieran participar puen iscribise dende güei mesmo, unviando un enllaz con un vídiu o una música y lletra orixinales, que podrá ser visualizada al traviés de la páxina ueb del concursu, http://sidradeasturiassound.com

Tolos  vidios podrán ser valoraos polos usiarios ente’l 16 y el 31 de mayu, dambos inclusive. Los diez vídios más votaos pasarán a una votación final per parte’l xuráu, y que tendrá llugar el prósimu 6 de xunu. Esi mesmu díi anunciaráse’l nome de la banda ganadora. El xuráu ta compuestu por los músicos David Feito y Rodrigo Cuevas; la periodista de la revista LA SIDRA, Estíbaliz Urquiola; y un miembru de la DOP Sidre d’Asturies.

(Visited 2.466.320 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies