Inicio > Cultura sidrera > AÑU D’ASTURIES NEL FESTIVAL DE LORIENT
Cultura sidreraEventosSidreturismu

AÑU D’ASTURIES NEL FESTIVAL DE LORIENT

El Festival Interceltique Lorient (Goueliou Etrekeltiek An Oriant) ye el festival folk por excelencia y ún de los más enfotaos nel caltenimientu del padremuñu de la cultura celta del mundiu. Comu tolos años esti eventu internacional allugarase na ciudá bretona d’An Oriant (Lorient) y averará a miles de presones interesaes nel celtismu, la música folk, la cultura y el pasalo bien. Anguañu la mayor parte de los visitantes bien de Francia o de les naciones celtes representaes en dichu festival: Asturies cuyu papel ye’l protagonista nesta edición, Irlanda, Escocia, Galicia, Islla de Man, Cornualles, Bretaña y Gales.

El llegáu celta caltiense y esprésase al traviés de la música, los talleres de llingues, amueses culturales, talleres de dancies tradicionales, pasucais de bandes de gaites y por supuestu na gastronomía, onde l’asturiana y n’especial la sidra allumará la ufierta culinaria que mos representa a tolos asturianos. Comu espertos del arte del bon llantar, Asturies fadrá les delicies de los visitantes colos platos típicos nuesos cola calidá a la que ya mos tienen avezaos na carpa asturiana.

Del 5 al 14 d’agostu Lorient espérase qu’atraiga a más de 750.000 presones dalcordies colos númberos oficiales de la muerganización, y más d’un ciento d’asturianos namáis cola delegación, que comu país protagonista d’esta edición, echare la casa pela ventana pa trayer lo meyor de la nuesa música tantu tradicional comu no que cinca al folk más modernu. Nestos 10 díis de la que ya ye la 51ª edición tendremos la oportunidá d’atopanos con vieyos conocíos y artistas de la calidá de Rodrigo Cuevas, Planxty O’Rourke, Alan Le Roux, Murray Head, Mec Lir o los épicos Capercaillie.

Esperámosvos allí!

(Visited 2.465.623 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies