Inicio > Gastronomía > Anovar na espicha
Gastronomía

Anovar na espicha

El restorán El Duque propón platos típicos con un toque vanguardia pa celebrar per tolo alto

LA SIDRA.- Pa los asturianos nun hai forma meyor para cellebrar —lo que seya— que… ¡con una espicha! La sidre y el bon comer xúnense en franca harmonía pa faer qu’esfrutemos a lo grande cola nuesa familia y collacios, al empar que xenera l’ambiente perfechu por que los nuesos gargüelos entonen cancios que mos faen xunimos entá más. La espicha, ye pos, una de les manifestaciones culturales más enraigonaes na nuesa tierra y da bona cuenta de los productos qu’ufierta Asturies. Pero los nuesos cocineros tamién saben anovar nesti ámbitu.

Y nel restorán El Duque supieron faelo col respetu que siempres caltuvieron pola gastronomía asturiana. “Nun queremos perder lo d’equí. D’antiguo cocinábase perbién, con bien bonos productos, como cacesde gochu, callos, llingua estofada, sabíase guisar. Tou perbién presentap. Nós queremos faer honor a esa cocina” desplica Pedro Baldó, un de los propietarios del restorán y amiesta: “nós nun tenemos que copiar ná a otres cocines, eso sedríe un gran erru. Tenemos una base de cocina escelente y munches vegaes nun la sabemos aprofitar”.

Por esti motivu, n’El Duque escurrieron un menú asturianu especial” basáu n’una espicha “típica” pero con toques de vanguardia. Dalgunes de les propuestes son: ‘Carambelos de morciella y mazana’; ‘Cazoleta d’arroz cremoso con chipirón’; ‘Minicachopos de llechazz’; ‘Miniturria de cecina y gratén de parmesanu, ‘Bombón de xamón con pan de tomate’, Croquetines de xamón ibéricu; ‘Miniburguer extra class’, o ‘Clin de salmorexu andaluz’.

L’artículu completu pues atopalu na revista LA SIDRA númberu 191.

* Fotos: David Aguilar Sánchez

(Visited 685.333 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies