Inicio > Internacional > América cellebra con sidre
Internacional

América cellebra con sidre

El nuesu productu más emblemáticu tornóse un ellementu imprescindible pa festexar nel otru llau del Atlánticu, en bona midía gracies a la emigración

LA SIDRA.- La sidre ye ún de los productos principales pa cellebrar les fiestes d’esta dómina. Tantu n’Asturies -anque eso ye tol añu- como fuera’l país. La emigración asturiana y el so deséu por consumir un productu tan identitariu pa ella, fexo que nes más de les naciones que componen América Llatina y que cuntaren con una población proveniente d’Asturies, acoyeren a la sidre como una de les bébores más afayaíces pa compartir cola familia y amigos.

P’América, la sidre ye allegría, convivencia, festexu y tradición. Nun Estáu llamáu Puebla, en México, los conceyos de Huejotzingo, Zacatlán y Esperanza, son los principales productores de sidre, con más de cuatro variedaes que se comercialicen principalmente pa los festeyos de Navidá y Año Nuevo; otros estados productores, pero en menor cantidad, son Durango y Chihuahua.

En Chile, una de les empreses cabezaleres de bébores tien negocios n’Arxentina, ye CCU. Ésta llanzó va pocu al mercáu la sidre Cygan que vio como ‘l consumu d’esti productu ta xorreciendo en países como Australia y Nueva Zelanda, llegando inclusu a tases d’un 20% añal.

Y otru exemplu más, ye’l que se ve na imaxe… en Montevideo, na Ciudá Vieya. los uruguayos reciben l’añu nueu con grandes cantidaes de sidre. De fechu, ye una “guera” la que s’arma utilizando la bébora, amosando asina la importancia que tienpal país y tamién pa la so cultura. Claro, hai que tener en cuenta que  nestes feches, acullá fai calor. La sidre viéndese en puestos ambulantes, tanto pa chiscar como pa beber. Una folixa que ca añu gana más adeptos d’otros países, n’especial de Brasil. Lo dicho, la sidre, cómo non, lleva gayola ellí onde la llevaron los asturianos.

 

(Visited 2.466.884 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies