Inicio > Chigres > ¡Abren los chigres!
ChigresLlagaresSidreturismu

¡Abren los chigres!

Col empiezu de la “desescalada” yá hai fecha pa l’apertura de los chigres.

LA SIDRA.- Paecía imposible, pero paez que por fin llegó’l momentu d’abrir de nuevu los chigres y escomenzar col ciclu sidreru con toles ganes del mundu. Ciertu que fasta agora tantu los llagares como los mesmos chigres esforciáronse por mover el so productu y atender a los veceros a domiciliu, pero nun hai ná como l’ambiente d’un chigre pa esfrutar al cien per cien de la sidre.

Nel plan presentáu pol gobiernu central, plantégase que la fase inicial o fase 1, que va dar empiezu’l próximu 11 de mayu, procederáse a l’apertura de terraces, con una llimitación del so aforu al 30% y con horariu preferente pa presones mayores… una fase complicada, na que los merenderos van ser los meyor paraos poles sos “terraces” y mayor aforu, pero que va poner bien dificil l’apertura a munchos chigres.

Na fase entemedia o fase 2 qu’escomenzaría’l 25 de mayu, va abrise l’espaciu interior nos llugares de restauración, anque namás pa serviciu de meses y con llimitaciones d’aforu al 30%, amás de les midíes de seguranza que s’afayen al efeutu.

A lo cabero, na fase avanzada o fase 3, la postrera enantes de recuperar la “nueva normalidá”, escomenzaríe’l 9 de xunu, l’aforu na restauración llimitaráse al 50% calteniendo eso sí la distancia mínimo de dos metros.

Nun ye, en concenxa, la situación afayaiza pola que naguamos, pero paez que too tiende a la normalidá, y ye d’esperar que gradualmente vaigamos recuperándomos.

(Visited 2.464.900 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies