Inicio > AS > Eventos > A Cañada DELIC Experiencie
Eventos

A Cañada DELIC Experiencie

Va cellebrase’l prósimu 6 de mayu la XXXV Edición de Espiches Madrid na primer sidrería d’alta cocina de la capital; en dichu establecimientu cunten cola so propia sidre: “La penúltima”, ellaborada con mazanes de la cuenca minera asturiana.

LA SIDRA.- El llugar onde se va llevar a cabu va ser la sidrería A Cañada DELIC Experience (C/Alonso del Barcu, 4) y va escomenzar a les 21:00 hores.  El preciu va ser de 20 euros que podrán abonase a la entrada del eventu, onde tamién s’apurrirán les acreditaciones. Por esi preciu podrá esfrutase de tastia de sidre, productos asturianos, y tamién d’una espicha con raciones variaes y barra llibre de la nuesa bébora tradicional.

La sidrería A Cañada DELIC Experience ye la primer sidrería d’alta cocina qu’abre les sos puertes en Madrid. Nella pue atopase la especialidá de pulpu A’Rella, qu’el so chef César Román, prepara según l’antigua tradición de les aldegues lucenses. A Cañada llegó de Galicia al madrilanu barriu d’Embaxadores nos años 60. En 2013 César Román refundóla comu sidrería vascu-asturiana, especializada en gastronomía de tola cornisa Cantábrica.

 

Tien de destacar qu’A Cañada cunta cola so propia variedá de sidre natural asturiana: “La Penúltima”. Esta ellabórase puramente con mazanes de la cuenca minera asturiana. “Nun provienen d’una única gran pumarada, sinón que les mercamos a pequeños”, puntualiza Román. “Dalgunos nun tienen más de 10 pumares”, amiesta.  El procesu de “La Penúltima” ye natural dafechu, ensin aditivos, collorantes nin conservantes artificiales. Una sidre nidio, llixero y aparente pa echar”.

(Visited 2.465.753 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies