Inicio > Eventos > Xornada Científica: Historia y Cultura de la Sidre n’Asturies
EventosLa sidra

Xornada Científica: Historia y Cultura de la Sidre n’Asturies

Tendrá llugar el 26 d’ochobre na Facultá de Filosofía y Lletres de la Universidá d’Uviéu

LA SIDRA.-El 26 d’ochobre de magar es 9:30 la mañana tendrá llugar la Primer Xornada Científica d’Hestoria y Cultura de la Sidre n’Asturies nel Salón d’Actos de la Facultá de Filosofía y Lletres de la Universidá d’Uviéu. La direición de dichu congresu cuerre a cargu del especialista en cultura sidrera y hestoriaor Luis Benito García, del Grupu d’Hestoria Sociocultural.

La xornada escomenzará cola presentación, siguía de la conferencia nagural: ‘Artesanía y tradición: valores de la modernidad alimentaria’ impartía por Jesús Contreras de la Universidá de Barcelona y del Oservatoriu de l’Alimentación. Darréu, a les 11:30 tendrá llugar la ponencia ‘Historia y cultura de la sidra en Asturies’ por parte de Luis Benito García. Una hora más llueu tocará’l turnu de Rubén Vega de la Universidá d’Uviéu y la so charra ‘Labradores conscientes. La Asociación de Agricultores de Xixón y el sindicalismo agrario en Asturies’.

Yá pela tardi, ales 17:00 hores, Xuan de Con, de la UNED, falará sobro ‘La construcción social de la calidad de la sidra en Asturies. Una mirada antropológica entre genes, levaduras y reglamentos’. Finalmente, a les 18:00 hores trataráse’l tema: ‘Representaciones, tradiciones culturales y sociabilidad sidrera’, de la man del yá mencionáu García. La xornada ta entamada pola Universidá d’Uviéu y la DOP Sidre d’Asturies.

(Visited 2.465.475 times)
Compartir

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies