Inicio > Chigres > 2.500 cebolles rellenes
ChigresEventosGastronomía

2.500 cebolles rellenes

La Sidrería El Zamorano, de L’Entregu -SRA-, superóse nesta edición de les cebolles rellenes, batiendo’l récor del añu pasáu.

LA SIDRA.- La fiesta de les cebolles rellenes, más qu’un eventu gastronómicu, ye un signu identitariu en L’Entregu, onde fixeron d’esti platu un auténticu emblema de la so gastronomía, de tala miente qu’añu ente añu van superándose, preba d’ello son les 2.500 cebolles que sirvió esti añu El Zamorano, frente a les 1.200 raciones del añu pasáu.

Con munchu mimu y a fueu mui lentu, esi ye’l secretu de les cebolles d’El Zamorano, cebolles especialmente tienres y saborgoses, qu’ufiertaron demientres les fiestes nun menú que costaba de cebolles, callos, casadiella y botella sidre, d’Arbesú o L’Allume, a escoyer, too ello a un preciu bien axustáu: 23 €

Amás de demientres les fiestes, El Zamorano ufre cebolles rellenes el restu l’añu. Baxo encargu trésnenles tamién rellenes de carrilleres. Pa naguar.

(Visited 2.464.572 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies