Inicio > Sin categoría > Nueva rede de distribución d’Alimentos del Parayísu, ente los que s’inclúi la sidre
Sin categoría

Nueva rede de distribución d’Alimentos del Parayísu, ente los que s’inclúi la sidre

La xunión de comerciantes y l’alministración creyen un alcuerdu pa dar puxu a la merca de la produición amparao en tiendes de piqueñu y medianu tamañu

LA SIDRA.- La Unión de Comerciantes de Asturies y el gobiernu asturianu impulsen una rede comercios distribuidores de productos de la marca Alimentos del Parayisu, entes los que s’alcuentra la sidre. D’esta miente pretender dar puxu a la merca d’alimentos amparaos por esti sellu calidá en tiendes de piqueñu y medianu tamañu.

Los comercios que s’acueyan a esta inicitaiva cuntarán con un llogu que permitirá a los consumidores indentificalos fácilmente a la hora de faer les sos merques. Esta ye la primer esperiencia que se pon en marcha n’Asturies pa xunir la produición cola distribuición de menor tamañu, que ye tamién la más densa del territoriu (anguañu 900 empreses forme parte de l’asociación Unión de Comerciantes).

“D’esta miente, amás de dar puxu al consumu de los Alimentos del Parayísu, poténciense les canales curties de comercialización y promuévese la merca nestos establecimientos” siñala la Conseyería de Mediu Rural.

La marca Alimentos del Parayisu Natural distingue los productos agroalimentarios y pesqueros producíos y/o ellaboraos n’Asturies, garantizando’l so orixe xeográficu y certificando la so calidá. Anguañu, el sellu cunta con 347 operaores iscritos y nos postreros años cuadriplicó’l númberu productores y ellaboraores acoyíos.

(Visited 2.464.459 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies