Inicio > Llagares > Castañón espubliza un vídiu sobro la ellaboración de Val de Boides
Llagares

Castañón espubliza un vídiu sobro la ellaboración de Val de Boides

El llagar maliayu plasma nun recursu audiovisual el procesu de produición de la so gallardonada sidre acoyío a la DOP

LA SIDRA.- “Dempués de tanta allegría contenía colos chigres zarraos, los realcuentros son especiales y merecen una sidre especial”. Asina escomienza la entrada qu’espublizó’l Llagar Castañón na rede social Instragram, y sigue: “Nestos meses diemos munchos cancallos y curiaos a la nuesa sidra Val de Boides pa que la esfrutéis tantu como nós lo fexemos preparándola”.

Esi testu da pasu a un vídiu nel que se reproducen distintes escenes nes que se ve cómu ye’l procesu d’ellaboración de Val de Boides, la sidre del citáu llagar que ta acoyío a la Denominación d’Orixe Protexida. Una sidre que, pro ciertu,  foi bien gallardonada, sobromanera nos años caberos. Por mentar solo dalgunos de les sos reconocencies: Primer premiu nel XXXVI Festival de la sidre de Villaviciosa en 2020, Meyor sidre d’Asturies 2020 de la Denominación d’Orixe Protexida, 2ª Meyor sidre natural nel XLIII Festival de la Sidra de Nava 2020, ente munchos más.

“Val de Boides ye dedicación, calidá, esfuerzu y una esperiencia única” indiquen dende Castañón y espliquen que ye nel corazón d’esti país onde naz el secretu meyor guardáu del llagar: la mazana cola que se llogra la sidre más premiao d’Asturies. El vídiu puede vese na siguiente direición:

https://www.instagram.com/p/CLy-gVdCQto/?igshid=3cy3iz1fk9bl

 

(Visited 1.228.180 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies