Inicio > Sin categoría > L’Asociación Cultural Serondaya prepara la so fiesta
Sin categoría

L’Asociación Cultural Serondaya prepara la so fiesta

Va Tener llugar del 25 al 27 d’ochobre, va amagostase y mayaráse sidre; amás de qu’esti añuva actuar Víctor Manuel

LA SIDRA.- Nesta edición l’asociación cunta con importantes novedaes pa la fiesta. El vienres 25 va apurrir el Premiu de la Cultura 2019 a la Sociedá Cultural Xixonesa’, según les reconocencies del IV Certame de Semeyes, y reindrá homenaxe al tamboriteru Andresín d’Insiertu, que va tar acompangáu de los meyores gaiteros y tamboriteros d’Asturies. De magar les 18:00 hores van amagostar les castañes y mayar la mazana. “¡Castañes y sidre dulce de baldre pa toos!” aseguren dende la aasociación.

El sábadu 26,de mientres la sesión vermú va realizase la esfueya, col grupu Ruxidera y dende les 20:00 hores cellebraráse’l X aniversariu de los Conciertos de la Panadería. Tocántenes a la música en direutu confirmaron la so asistencia Chus Pedro y Gabino Antuña, Anabel Santiago, Sara Cangas, Fernando Vallerroso, Mapi Quintana, Helena Gil y Pablo Jonte, Maxi Areñes con Fontoria, Berto Banielles, Fran Juesas, Jorge Maojo y Triceps. A destacar qu’a les once la nuechi va empezar el conciertu de Víctor Manuel. Esti va tener llugar nun espaciu de pradería de La Vega de Cenera de 6.000 metros cuadraos, y la entrada única va ser por Recaxuelo (al entamu del camín de la fastera recreativa). L’aparcamientu va ser en Suecueto, El Llerón y tamién habrá autobuses especiales dende Mieres y Turón, de día y revolvía. El conceyu va dar cuenta de les frecuencies y de los horarios.

El domingu 27, como ca añu, cellebraráse la xinta d’hermandá de los socios cola tradicional fabaona. Van puyase les semeyes del certame y va cuntase, como cada añu, cola presencia nel escenariu del acurdionista Javier Valdés.

(Visited 2.465.075 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies