Inicio > Cultura sidrera > Concursu de sidre na Feria de Posada de Llanes
Cultura sidrera

Concursu de sidre na Feria de Posada de Llanes

El 17 y 18 d’agostu cellebraráse’l XXXVI Certame de la Güerta, XVIII Feria ‘l Campu y XI Feria de Productos Agroalimentarios

LA SIDRA.- La prósima fin de selmana en Posada de Llanes va llevase a cabu’l Certame de la Güerta, la Feria’l Campu y la Feria de Productos Agroalimentarios. Y, como parte de les actividaes que se van realizar, entamóse un concursu de la nuesa bébora por escelencia.

El requisitu ye que los participantes seyan ellaboraores artesanales de sidre natural. Los concursantes tendrán de llevar un mínimu de 8 botelles pa la so degustación y tastia. Un xuráu especializáu va premiar la calidá y presentación de les bébores. El primer llugar ta dotáu con 120 euros en metálicu, el segundu con 60 y el tercer puestu con 30 euros.

Amás de dichu certame, tamién va haber concursos d’artesaníes, de güertos y de los sos productos. Nesti postreru los participantes tendrán de ser productores de les hortolices presentaes a la competición. Van premiase la calidá y presentación de Faba Verdina, Faba de la Granxa y Llote d’Hortolices. En Llote d’Hortolices los productos concursarán en trés modalidaes: calidá, presentación y piqueños frutos.

La organización cuerre a cargu del Conceyu  Llanes en collaboración cola Conseyería de Agroganadería y Recursos Autóctonos de Asturies, y de la Caxa Rural. Envalórase qu’esta fin de selmana axuntar en Posada alredior de 120 participantes ente inscritos a les pruebes y vendedores.

(Visited 2.465.015 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies