Inicio > Cultura sidrera > La sidre n’Asturies, cultura, ciencia y padremuñu
Cultura sidrera

La sidre n’Asturies, cultura, ciencia y padremuñu

Los cursos de branu de la UNED inclúin ún centráu nos conocimientos y nes práutiques vinculaes a la cultura de la sidre n’Asturies.

LA SIDRA.- El cursu, que tendrá llugar del 17 al 19 de xunetu, cellebraráse na sede de la UNED en Xixón, ufiertándose tantu de forma presencial como online en direutu y en diferíu, tratará de los aspeutos culturales y de padremuñu dende una perspeutiva antropolóxica: conocencia de les práutiques desplegaes polos actores nel cultivu del pumar de sidre, la ellaboración de la sidre, la so distribuición y consumu, vistos como un procesu agroalimentariu integráu; la educación de los sentíos mediante les práutiques d’analís sensorial: introduición a la tastia de sidre asturiano; la costrución de la calidá: la Denominaciónd’Orixe Protexía “Sidre d’Asturies”.

El cursu complétase con cuatro hores de consulta de materiales y participación activo del estudiante nel foru del cursu virtual.

El programa, especialmente estensu ya interesante, inclúi les charres que vienen darréu:

  • – Hestories gobales de les mazanes: ñatura, cencia y cultura. Montserrat Cañedo.
  • – Cultura, padremuñu y sidre. Xuan de Con
  • – Hestoria de la cultura de la sidre n’Asturies. Luis Benito García
  • – El cultivu del pumar de sidre: remanamientu de les pumaraes dende una perspeutiva agroecosistémica. Marcos Miñarro.
  • – La ellaboración de sidre n’espacios domésticos agroindustriales. El procesu de biotresformación y el despliegue d’habilidaes y conocimientos nel remanamientu del llagar. Tano Collada.
  • – La DOP “Sidre d’Asturies”. Misión, cadarma y funciones como istitución de gobernanza de calidá. Tastia de sidre acoyío a la DOP (Mesa reonda). Adolfo Villaverde, Daniel Ruiz, Tano Collada.
  • – La evaluación sensorial de la sidre asturiano. El procesu investigaor desendolcáu pa la elleición d’atributos y criterios de valoración. Ana Picinelli.
  • – La práutica del echáu. Habilidaes y estética (Taller). Pablo Costales, Susana Ovín.

La matrícula anticipada al cursu -enantes del 1 de xunetu- tien un costu de 108 euros (63 € pa miembros de l’Asociación d’Antiguos Alunos), y dempués del 1 de xunetu sedrá de 124 € y 75 € respeutivamente.

Más información en:
https://extension.uned.es/actividad/idactividad/19471

(Visited 2.464.652 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies