Inicio > Cultura sidrera > Primeres Xornaes de la Sidre Ribeseya 2019
Cultura sidreraEventosLlagaresSidreturismuTasties

Primeres Xornaes de la Sidre Ribeseya 2019

Sedrán del 14 al 28 febreru y habrá charres, tasties, talleres y una amuesa sobro los llagareros del conceyu

LA SIDRA.- La naguración de l’amuesa “Llagareros de Ribeseya” el 14 febreru a les 19:30 sedrá’l pistoletazu de les primeres Xornaes de la Sidre Ribeseya 2019 que se llevarán a cabu fasta’l díi 28. Cuntarán con un bon númberu d’actividaes que describimos darréu:

Vienres 15 a les 19:30: “La sidre como ritual y símbolu” a cargu de David M. Rivas, autor del llibru La sidra asturiana, bebida, ritual y símbolo.

Sábadu díi 16 de 10:00 a 14:00 intervendrá’l Clú Sierense d’Amigos de la Mazana falando sobro:

Les nueves races de la DOP

  • Soluciones a la vecería
  • Aspeutos de la sidre natural
  • Derivaos de la sidre y la mazana
  • Sidre de xelu y sidre de fueu
  • Sidre dulce de llarga duración
  • Sidres d’espolleta
  • Auguardiente de sidra
  • Llicores de sidre
  • Conserves, marmiellaes y gastronomía de la mazana y la sidre

Sedrán charres breves enfocaes a la ellaboración práutica pa que quien quiera ellaborar daqué productu pueda tener orientaciones del procesu na práutica.

Esi mesmu sábadu díi 16 de magar les 17:00 l’Asociación de la Sidre Casero de Piloña falará sobro la ellaboración de la sidre casero y la climatización d’un llagar.

Miércoles 20: taller pa neños y neñes “la sidre y les mazanes” impartíu pol mayestru José Antonio Somoano de 16:30 a 17:30.

Xueves 21: “Tastia de sidre d’estremaos perfiles varietales” por parte d’Eduardo Vázquez de Guerrilla Imports.

Vienres 22: “Tastia de Sidre” pola asociación de Fomentu de la Sidre Tradicional Asturiana a les 19:30.

Sábadu 23: de 09:30 a 14:00 cursu teóricu-práuticu de “Poda y curiaos d’inviernu de los pomares” a cargo de Marcos Miñarro del programa de fruticultura del SERIDA. Y a les 17:30 Mesa reonda “presente y futuru de la sidre” con Carlos Piélagos, Fran Ordóñez, César Ruiz, Luis Sariego, Pedro Ramas, Marcos Ramos, Belisario Suárez, Lluis Nel Estrada y Lorena Alonso.

Martes 26: Charra “Cultura de la sidra n’Asturies” por Inaciu Hevia Llavona.

Xueves 28: fin de la esposición de les xornaes.

(Visited 2.465.781 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies