Inicio > Eventos > Asturies concursa güei en Madrid Fusión nel certame de la Meyor Croqueta del Mundiu
EventosGastronomíaTasties

Asturies concursa güei en Madrid Fusión nel certame de la Meyor Croqueta del Mundiu

Álex Sampedro, del restorán xixonés El Recetario, cocinará la tradicional tapa con Xamón Joselito; ya Isaac Loya impartirá un taller sobro téuniques de tratamientu del pexe.

LA SIDRA.- Tase a la gueta del V Campión Internacional Joselito a la Meyor Croqueta de Xamón del Mundiu que se lleva a cabu güei en Madrid Fusión a las 15:30 de la tardi. Álex Sampedro, del restorán El Recetario asitiáu en Xixón, foi escoyíu pola direición de la cume gastronómica pa concursar xunta otros 5 xefs procedentes de Madrid, Alicante, Cantabria, Zaragoza y Toledo.

“La mio croqueta nun tien ná d’especial, lo que sí ye que ta ellaborada con una receta “de siempres” y lo que acemos ye trabayar muncho, muncho, muncho la bexamel pa que quede bien cremosa un rebozáu perfinu, cruxente, una bona fritura. Pero en verdá nun tien dengún secretu especial, nun usamos xelatines, utilizamos namás con mantequilla porque camentamos, pal mio gustu, que ye meyor pa la croqueta. Ye rica, tradicional y cola bexamel perbien trabayada” siñaló pa esta revista Sampedro en Madrid Fusión. ¡Munchu ésitu!

Per otru llau, lo stands d’el Gaitero, bacallaos El Barquero, Toscag y el de ‘Alimentos del Paraísu’ d’Asturies continúen ufriendo los sos productos a los asistentes al congresu. Amás, güei el xef Isaac Loya ufrirá un taller sobro les “Téuniques de Tratamientu del Pexe” entamáu por Turismu d’Asturies. Cincuenta presones podrán esfrutar d’esti taller que va cellebrase nuna sala especial del Palaciu Congresos y que tendrá llugar a les 18:00 hores. Sedrá una de les postreres actividaes del congresu, qu’a les ocho la tardi presllará les sos puertes fasta’l prósimu añu.

 

* Semeya, María Jesús Álvarez y María Jesús Aguilar, consecyera y direutora xeneral de Desendolcu Rural; y el xef Isaac Loya.

(Visited 2.466.616 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies