Inicio > Cultura sidrera > Impulsu a la Candidatura de la Cultura Sidrera Asturiana
Cultura sidrera

Impulsu a la Candidatura de la Cultura Sidrera Asturiana

La intención ye xuntar el másimu sofitu social pa que seya reconocía como Padremuñu Cultural Inmaterial de la Humaniá; por embargu la so presentación nun sedrá “posiblemente” fasta’l prósimu añu yá que nel 2019 la llista de propuestes del Estáu español, pasu previu, ta presllada

LA SIDRA.- La Conseyería de Desendolcu Rural y Recursos Naturales emplazaren güei a la sociedá asturiana a involucrase nel sofitu a la candidatura de la Cultura Sidrera Asturiana a Padrmuñu Cultural Inmaterial de la Humanidá de la Unesco al traviés d’estremaes actividaes que se pondrán en marcha esta selmana. La participación de la ciudadanía promoveráse al traviés d’una estensa rede d’embaxaores de la cultura sidrera, cuyu llabor sedrá’l de sofitar y xestionar l’espardimientu de la propuesta n’estremaos ámbetos. Enteotres funciones, asumirán la xestión del llibru de firmes de sofitu n’estremaos puntos del territoriu y na ueb www.culturasidreraasturiana.com. Encargaránse tamién de la cordinación con asociaciones o entidaes pa la recoyía de robles, de la distribuición de distintivos n’establecimientos hosteleros y comercios, y del espardimientu de materiales informativos y promocionales.

Remembramos que’l procesu pa la conformación de la candidatura paralizóse n’estremaes estapes y too indica qu’agora garró fuercia pa presentase, posiblemente en 2020. Hai de siñalar que, pa que llegue a la UNESCO, la cnadidatura tien de ser acptada enantes como tala por parte del Ministeriu de Cultura. Ello ye, tien qu’entrar a formar parte de la llista de padremuños qu’España presente énte’l citáu organismu de la ONX. Pasu qu’entá nun se dió. Asina lo desplicó la conseyera de Desendolcu Rural, María Jesús Álvvarez, nuna entrevista posterior na radio pública asturiana. Siñaló que la llista d’almisión de candidatures “ta presllada” y que fasta’l prósimu añu nun va abrise. De fechu, una de les intenciones con respeutu a la candidatura yera poder presentala na primavera de 2019; a lo mesnos asina se dixo nel pasáu  ‘Sidrafórum’ rializáu -igualmente- nel Muséu de la Sidre de Nava el pasáu 4 de xunetu y al qu’asistió, ente otros, l’agora es direutor xeneral de Desendolcu Rural, Jesús Casaa. Ente esta nueva torga, habrá que sacar ventaxa. D’ende que la conseyera siñalare qu’agora cuéntase con más tiempu del previstu pa siguir cola preparación de la candidatura, y n’especial pa recabar el másimu sofitu ente la sociedá asturiana.

Al actu de presentación, amás de la conseyera, asistió l’alcalde de Nava, Juan Cañal; les direutores xenerales de Desendolcu Rural y Padremuñu, María Jesús Aguilar y Otilia Requejo; asina como miembros del Comité Direutor. El programa presentáu “va permitir la participación de tolos asturianos que residen nos 78 conceyos y en cualisquier llugar del mundiu, va ser llideráu polos embaxaores de la candidatura de la Cultura Sidrera Asturiana que son los que tienen que dar sofitu y xestionar l’espardimientu de la candidatura tantu nel so territoriu como nel ámbetu profesional al que pertenezan” dixó María Jesús Álvarez y amestó: “xestionando un llibru firmes que queremos que llegue a tolos requexos del nuesu país; coridnando con otres asociaciones, con otres entidaes, toa triba d’aiciones a favor de la candiatura; entregando distintivos, pegadielles que puen situase en llugares visibles de tolos establecimientos hosteleros o los comercios. Tamién, distribuyendo materiales informativos y de promoción; o collaborando na puesta en marcha de la candidatura en caún de los conceyos”.

El prósimu xueves cellebraráse una gran espicha na qu’escomenzará a difundise quien son los embaxaores los que s’entregarán les acreditaciones y na que tamién tarán presentes representantes municipales de los conceyos asturianos y responsables del gobiernu entregando esos diplomes. Amás, el díi 29 pondráse en marcha la campaña de sofitu en tolos conceyos asturianos, que se desendolcará fasta’l 15 marzu. La candidatura tamién tendrá proyeición na feria Fitur que se cellebrará en Madrid del 23 al 27 d’esti mes.

 

(Visited 2.466.575 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies