Inicio > Chigres > Tastia de sidres asturianes en Xapón
ChigresEventosGastronomíaInternacionalLlagaresSidreturismuSISGATasties

Tastia de sidres asturianes en Xapón

Esti mes d’Ochobre tuvo llugar en Tokyo, Xapón, una tastia de sidres asturianes na Sidrería Eclipse.

Dempués del ésitu de la cabera edición del VII SISGA y de la bona representación xaponesa nesti eventu internacional, fo’l turnu d’Asturies de visitar el país nipón.

 

Tatsuro Fuji, collaboraor de LA SIDRA y propietariu’l bar Eclipse Sidrería de Tokyo, quinxo presumir de la gran variedá de sidres asturianes que mercare na so cabera visita al nuesu país con motivu del Salón Internacional de les Sidres de Gala. Equí pudo escoyer les variedaes más representatives y orixinales de la ufierta asturiana de sidres. Poro, entamó una tastia pa los veceros de la sidrería, bonos conoceores de les sidres internacionales, onde tuvieron la oportunidá de tastiar la meyor esvilla de sidre asturiano.

Un total de 23 sidres asturianes fizo les delicies de les docenes de presones que s’averaron. Dempués del brinde nagural con sidre Mayador, los asistentes esfrutaron non solo de les meyores sidres sinon tamién de gastronomía asturiana, pues el propietariu del Eclypse atrevióse a facer platos comu fabada o cachopu, que dexaron ablucaos al públicu. En pallabres de Tatsuro Fuji “queríemos averar Asturies y lo perguapo la so cultura sidrera a Xapón y despertar interés nos consumiores, y féxose con gran ésitu”.

Esta ye una de les munches tasties que se cellebren a lo llargu´l mundiu de les sidres asturianes y otres ganaores de premios SISGA. Una perbona oportunidá p’abrir mercaos foriatos y llegar coles nueses sidres ca vegada meyor y más lloñe.

VER GALERÍA

Les sidres presentaes y tastiaes foron:

■Sidra de Hielo Diamantes de Hielo
■Sidra de pera Viuda de Angelon
■Sidra Viuda de Angelon brut
■sidra Tareco
■Sidra Pomar sin alcohol
■Sidra brut nature Riestra
■Sidra Riestra semiseca
■Sidra natural  El Duque
■Sidra Extra Mayador
■Sidra Mayador Rose
■Sidra natural Busto Mayador
■Sidra Valnera
■Sidra natural Zapica Buznego
■Sidra natural Riestra
■Sidra de Hielo Panizales
■Sidra de membrillo Panizales
■Sidra de cereza Panizales
■Sidra viesca Panizales
■Sidra 1947viuda de Angelon
■Sidra brut prau monga Viuda Angelon
■Sidra natural Viuda de Angelon
■Sidra natural Prau Monga DOP

(Visited 2.466.244 times)
Compartir
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

4 thoughts on “Tastia de sidres asturianes en Xapón

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies