Inicio > Llagares > Siero va cellebrar un gran Festival de la Sidre nel 2018
Llagares

Siero va cellebrar un gran Festival de la Sidre nel 2018

La cellebración va cuntar colos llagares del conceyu.

LA SIDRA.- La sidre tornará ser protagonista l’añu que vien, esta vegada na plaza cubierta La Pola Siero. Sigún el conceyal César Manuel Díaz, ta peracabándose la cellebración d’un gran Festival de la Sidre na primavera de 2018, probablemente a la fin d’abril, nel que van xunise la sidre, la gastronomía y l’ociu.

Pa ello ellaboraron una guía de 16 páxines, con una primer tirada de 2.000 exemplares, nos que se desplica la ellaboración artesanal de la sidre, la hestoria de la mazana y la sidre y amplia información sobro los llagares del conceyu de Siero.

Nesta guía detállase tolo rellacionao cola hestoria de los llagares, el so equipamientu, premios recibíos, mapes d’accesu y otros datos d’interés.

El proyeutu, frutu de la collaboración del gobiernu con el produtores de la zona va dar a conocer más sobro los llagares Arbesú, Corzo, Quelo, Fanjul, Fran, Juanín, La Morena, Los Bayones, Muñiz, Torre, Viuda de Palacio, Casería San Juan del Obispo, Fonciello y Roza.

(Visited 12.985 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies