Inicio > Internacional > L’Academia de la Sidre y la Cerveza, un nuevu impulsu al mundiu la sidre
InternacionalTasties

L’Academia de la Sidre y la Cerveza, un nuevu impulsu al mundiu la sidre

L’antigua Academia de la Cerveza rellánzase con cursos educativos sobro la sidre.

LA SIDRA.- L’Academia de la Cerveza foi aniciada orixinalmente en 2003 por un piqueñuu grupu d’entusiastes de la cerveza y rápido atraxo’l sofitu de fabricantes y comerciantes, lo que llevó a una serie de cursos y materiales didáuticos al cargu d’especialistes con braera pasión pola cerveza.

Cola espansión de la industria de la sidre, decidieron rellanzase como l’Academia de la Sidre y la Cerveza, con un aspeutu anováu, ufiertes de nuevos cursos sobro sidre y un presentaor principal, Gabe Cook, tamién conocíu como The Ciderologist.

El nuevu nome ya imaxe presentóse a finales d’ochobre nel Hawkes Cidery and Taproom de Londres, onde se cellebró una xornada de maridaxe de sidre y xinta y presentóse la ruta escontra’l pommelier, la versión sidrera del sommelier.

Cook, comprometíu cola misión d’asegurase de que’l mundiu entienda la bayura, variedá y complexidá de la sidre de mazana y de perea, dixo qu’ésti ye un momentu crucial pa poner en contautu a la xente implicao nos procesos de fabricación de la sidre y a los consumidores finales.

El Cursu Básicu va tener llugar en Londres n’avientu y l’añu que vien va tar en marcha’l Cursu Avanzáu y el Cursu sobro Cómo Evaluar la Sidre. Tolos cursos puen acutase al traviés de la páxina ueb de la organización.

Dempués del ésitu llográu colos cursos, charres y tasties de cerveza, esperen algamar lo mesmo cola sidre y formar a braeros pommeliers de sidre.

(Visited 42.733 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies