Inicio > Tasties > La sidre llega al Pirinéu Aragonés
Tasties

La sidre llega al Pirinéu Aragonés

La Ferieta de Aínsa acoyó la presentación de la primer sidre fecho n’Huesca.

LA SIDRA.- L’Asociación Un Pasu Tras-Artu, en collaboración col equipu de Cerveza Rondadora, presentaron el díi 4 de febreru la primer sidre d’Aragón.

Dicha asociación carauterízase pola recuperanza de variedaes vexetales y animales propies de la fastera, nesti casu d’especies frutales y autóctones de Sobrarbe, como ye’l casu de los pumares.

Pa ello pañaron y llantaron decenes de races y dellos socios llabradores llantaron pumaraes ecolóxiques.

Anque la produición principal destínase a mazana de mesa, esti añu llanzáronse a ellaborar sidre y zusmiu de mazana.

Asina, esta seronda contautaron cola empresa cervecera Rondadora, a quien, anque nunca fixeren sidre, paeció-yos una bona idega y ufiertaron les sos instalaciones y conocencies na ellaboración de bébores formientaes.

En payares escomenzó’l procesu d’ellaboración de sidre y finalmente presentáronse un total d’larodiu de 200 llitros, como preba pilotu, na Sala de Caballerizas del Castiellu de Aínsa demientres la celebración de la so feria añal.

La tastia foi acompangada de xata de raza Pirenaica y quesos de la Cañabla de Broto.

L’asociación amosóse bien satisfecha col resultáu y pretenden comercializar la sidre en 2019.

(Visited 2.465.339 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies