Inicio > Internacional > La cervecera americana Molson Coors merca la compañía de sidre británico Aspall.
InternacionalLlagares

La cervecera americana Molson Coors merca la compañía de sidre británico Aspall.

El llagar asitiáu en Suffolk foi propiedá de la familia Chevallier demientres cuasique 300 años.

LA SIDRA.- Fundada en 1728 por Clement Chevallier y empobinada pola ochava xeneración de la so familia, Aspall ye una compañía de sidre británico de calidá, asitiada en Suffolk, onde la familia llantó los sos primeros pumares en Aspall Hall.

Agora, la compañía cervecera Molson Coors, el xigante americanu, adquiriola cola fin d’alzar la posición de la sidre inglés nel Reinu Xuníu y fora del país, tantu como bébora como escelente acompangamientu para xintar.

Coors tamién va adquirir la gama de vinagre de sidre orgánico Aspall, ellaboráu por aciu un procesu de formientadura qu’aseguren que ye únicu nel mundiu.

Miembros de la familia Chevallier van siguir perteneciendo al negociu y van xugar un papel clave en configurar la orientación estratéxica de Aspall, una compañía considerada como pegollu de la comunidá de la zona.

(Visited 34.363 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies