LaSidra.as

Son munchos los llagares que yá tan entamando a mayar nestes feches, pesia’l munchu calor y obligaos pola pronta mauración de la mazana.

Concretamente variedaes comu la Solarina, Ernestina y de La Riega atópense nun estáu de mauración afayaizu, y otres comu la Xuanina o la de Raxao tamién tan mui alantraes por mor de les condiciones climatolóxiques d’esti añu y sobro too poles ellevaes temperatures rexistraes nestes postreres selmanes de setiembre.

Ello asina, el Conseyu Regulaor de la D.O. yá abrió la campaña’l 19 setiembre col enfotu d’aprofitar la más posible la produición de les pumaraes acoyíes a esta marca de calidá, y espérase que vaigan aumentando’l númeru de variedaes de mazana reconocíes, al oxetu d’escoyeles más serondiegues pa poder facer frente al cambiu climáticu.