Asturian Cider
La fin de selmana del siete al nueve d’ochobre Villaviciosa remata la so mui sidrera temporada de folixes col XXVIII Festival de la Mazana, nel que LA SIDRA non solo tará presente, sinon que participará activamente cola colocación d’un puestín y la organización d’una Mayada y Xuegos de la Mazana, pa los más piqueños.
Arriendes d’ello, el programa d’esti Festival inclui, esposiciones, un mercaín de la mazana, el X Concursu de pumaraes asturianes y el XXI Concursu - Esposición de Mazana de Sidra y mazana de mesa asturiana, una tastia de mazana y otra de sidra D.O.P y una escursión a una pumarada con posterior mayada y tastia de sidra'l duernu.
Folixes sidreres hai munches, pero especialmente dedicaes a la mazana, perpoques y, nun país con una bayura de mazanes de sidra tan descomanada, ye un tema perinteresante.
Remembremos qu’el Festival de la Mazana cellébrase namás ca dos años, asina qu’hai qu’aprofitar bien la oportunidá si nun se quier esperar al 2013.
Comments
De eso habría que protestar bastante
RSS feed for comments to this post