Nel mesmu actu presentóse l’equipu titular d’Escanciaores de Tierra Astur, que participa nel Campionatu d’Asturies d’Echaores de Sidre
Dempués de tres años de trabayu, el pasáu vienres Sidreríes Tierra Astur presentó’l so plan internu de formación y distinción d’echaores. Echaores d’oru, plata y bronce, asina comu la figura cabezalera de “Mayestru Escanciaor”, un auténticu sumiller de la sidre representáu na persona de Sabino Pérez Presa; profesional de contrastada experiencia y saber sidreru. Non en vanu rexentó demientres años establecimientos talos comu la célebre y yá esapaecía, Sidrería Los Portales de La Pola Sieru, y qu’anguañu lleva más de dos años trabayando en Sidreríes Tierra Astur.
Una vuelta más ye la iniciativa privada la que sustitúi la ineptitú y desenfotu del “Principado” incapaz d’aniciar y xestionar una titulación específica pa los echaores de sidre al traviés de les Escueles d’Hostelería
