Sidra Asturiana
El sábadu la espicha La Mudrera, el domingu la 12ª Preba de la sidre en Gascona y sábadu y domingu el cursu de fotografía etnográfico-museística... ¡A los sidreros acumúlasemos el trabayu!
Daqué debemos tar faciendo bien cuandu la fin de selmana se mos presenta en condiciones tan afayaices: dende la Gran Espicha de La Mudrera -Llangréu- del sábadu a la 12ª Preba de la Sidre de Gascona el domingu, y al empar, el sábadu y el domingu, el Cursu de fotografía etnográfico-museística entamáu por LA SIDRA y nel que la nuesa bébora patria va tener un llugar destacáu.
Metanes la primavera, y golifando'l ´branín que vien, la sidre va garrando ca vuelta más puxu, y a pocu que teamos sollertes son munches les ufiertes sidreres que tenemos cuasique a diariu, y si'l dichu popular yá dexa espeyao que "la sidre nun tien hora" porque cualisquier hora ye bona pa tomalo, yá cuasique podemos dicir que tampocu nun tien díi, porque díi si, y díi tamién, nun hai ún nel que la sidre nun seya protagonista.
Por cierto, del 12 al 15 les xornaes del Mariscu y la Sidre en Candás ¿queréis más?. Pos eso.
