Sidra Asturiana
Con una asistencia de cuasique nueve mil presones, y más de 25.000 botelles de sidre consumío, esti II Certame Agroalimentariu Nacional costitúi tou un ésitu.
Dende la so naguración el díi 21, cola participación del atleta asturianu Fernan González y la periodista rusa Vera Anikina, fasta'l so preslle col emocionante y divertíu homenaxe al hestóricu monologuista Xosé Fernández Pandiella, acompangáu pola presentación del nueu trabayu discográficu d'Hector Braga, la Primer Sidre l'Añu foi un continu encadenamientu d'acrtividaes, de les que cuasi que nueve mil presones esfrutaron aidaes pel bon tiempu que mos acompangó especialmente los primeros díis del Certame.
Estes actividaes foron dende les más "series" comu les conferencies, presentaciones de llibros y tasties de sidre d'estremaes tribes y orixes (sidre brut, sidre de xelu, de mesa, sidre alemana, auguardiente de sidre...) fasta les más llúdiques, comu'l taller de baille, el fotomaratón sidreru -qu'entregó a los ganaores el so pesu en sidre-, el recibimientu trunfal a los esforciaos del Sidracrucis o l'emocionante tornéu de cuatriada, del que resultó ganaora la xixonesa Peña Bolísitca El Piles, ente otres munches actividaes, y comu non, la música de grupos comu Taranus, Latira, La Quintana, la Banda Gaites Villa de Xixón y la Bandina La Sidra.
Nesta edición de la Primer Sidre l'Añu participaren 82 llagares, dalgún d'ellos al traviés de la so sidre, otros al traviés de los sos derivaos o "sidres diferentes" (brut, de xelu, auguardiente...) presentes nes tasties, y otros inclusu presentando les sos novedaes al mercáu.
A la fin foron más de dos mil les caxes de sidre consumíes, lo qu'obligó al a organización a reponer sidre en más d'una ocasión, siendo imposible caltener los ochenta y dos llagares presentes demientres tol certame.
LA SIDRA, xunto cola Fundación Asturies XXI entama esti certame per segundu añu consecutivu, en collaboración col Ayuntamientu Xíxón al traviés de la Conceyalía de Cultura Asturiana.
