El sábadu 26 de febreru llevóse a cabu na see del Centru Asturianu de La Rioxa una tastia de sidre asturiano de Nueva Espresión entamada conjuntamente por LA SIDRA y el Cientru Asturianu de La Rioxa.
Nella participaron los enólogos Jairo Fernández Pérez, de les bodegues Pagos del Rei, y Víctor Pascual, de Vinícola Real, los bodegueros César del Ríu, de les Bodegues César del Ríu, y Luis Miguel Martínez, de Bodega Florentino Martínez, el tastiador independiente Jesús Morales, y l'hosteleru Javier Ballesteros Conde, del restorán Máximu Conde de Villamediana de Iregua, y miembru de l'Asociación Española de Baristas. Tamién tuvieron presentes el Conseyeru de Presidencia del Gobiernu de La Rioxa, D. Emilio del Ríu Sanz, el Voceru del Conceyu de Logroño, D. Vicente Urquía Almazán y el Conceyal de Promoción de la ciudá y Cascu Antiguu, D. Ángel Dime Ángel.
Presentárense a la tastia amueses de sidre d'El Gaiteru natural, de Sidre El Gaiteru, Zapica, de Buznego, Villacubera, de Cortina Coru, Españar, de Sidre El Gobernador, y Zythos, de Herminio. Destacando d'ente elles Zapica, col so carauterísticu arume frutal a mazana mauro, Españar, cuyes cualidaes fixérenla merecedora de numberosos premios nos postreros años, y Zythos, a la que los espertos participantes consideraron unánimemente comu la que meyor caltien la identidá de la sidre asturiano.
A lo cabero, cabe mentar que la celebración de la tastia tuvo siguimientu informativu al traviés del periódicu dixital Rioja2.com, el diariu La Rioxa, la emisora de radio Onda Cero La Rioxa y el periódicu d'Asturies 20minutos.
