La XXI Fiesta de la Sidre de Xixón entama con un díi d'antemanamientu sobro lo que yera la programación oficial del eventu.
Pesia que sigún la programación oficial esta XXI edición de la Fiesta de la Sidre de Xixón entamaría mañán, lo cierto ye que lo fai güei cola naguración oficial de la esposición "Once años d'hestoria. Les etiquetes de la sidre n'Asturies", entamada por Sidrastur y cuyu aniciu ta na II Primer Sidre l'Añu entamáu por LA SIDRA; y tamién la esposición de "Sidrografíes" obra de Xurde Margaride cola xida del númberu 100 de la revista LA SIDRA.
Dambes esposiciones afáyense nel Antiguu Istitutu Xovellanos, y sedrán naguraes a les 13 hores de güei pol Concceyal de Cultura, Carlos Rubiera, y la xerente del Teatru Xovellanos, Teresa Sánchez.
De magar mañán entamará'l Mercaín de la Sidre y la Mazana (Xardinos de la Reina) que tará abiertu fasta la fin de la fiesta, el domingu 26, xornada de clausura na que s'impondrá'l "Tonel d'Oru" a José Tomás de Sidra Tomás, y tamien "l'Eloxu d'oru" a la meyor sidre.
Per otru llau, el vienres pela tardi intentará batise de nueu el récord d'escanciáu simultaniu de sidre... pero lo meyor ye consultar el programa, porque les actividaes son munches.
Comments
RSS feed for comments to this post