LA SIDRA entama'l so VIII Tour del Llagar pal sábadu 18 d'Agostu.
Nel tour del Llagar visitaránse 4 llagares onde tendremos la posibilidá de prebar los toneles y tinos de sidre de la man del llagareru, que mos desplicará les estremaes carauterístiques de cauna de les sidres.
Trátase d'una esperiencia perinteresante p'averase al conocimientu de la sidre, de la man de los auténticos espertos: los llagareros.
Por supuestu, y anque l'aspeutu formativu ye bien importante nesti eventu, tampocu nun faltará cebera pa forrar, y fadremos un par d'espiches, too ello con música'l país, y toles ganes del mundiu de pasalo bien.
Eso sí, y comu siempres, la participación ta necesariamente llindada, pa la que se seguirá un rigurosu orde d'iscripción, que pue facese dende yá nel mail:
This e-mail address is being protected from spambots. You need JavaScript enabled to view it
La idega del Tour del Llagar, entamada va 8 años por LA SIDRA va espardiéndose ca vuelta más y va afitándose dientru d'una dinámica de sidre-turismu qu'entá tien munchu camín per delantre.
Conforme vaigamos averándomos a la fecha, dirá facilitándose más información, tantu de los llagares a visitar comu de los horarios.
