LaSidra.as

L'orpín y l'orbayu acompangaron a una cellebración sidrera qu'añu ente añu va algamando mayor sonadía.

VER SEMEYES

Los llagares qu'ufrieron la so sidre, baxo'l cielu buxu del Nalón y la güeyada atenta de Peñamea foron ochu, Viuda d'Angelón, Acebal, L'Argayón, Frutos, Piñera, Fonciello, La Nozala y J.Tomás.

 
Na Folixa La Sidra en La Pola Llaviana, con 8 llagares a la nuesa dimposición y los echaores a más nun poder, namás había un problema: conseguir un culín. Si daqué se pue decir d'esta folixa ye que tuvo mayor ésitu de la cuenta, siendo complicao daveres conseguir prebal la sidre de tolos llagares, sobremanera pela tardi, cuando la mocedá s'animó y enllenó la Plaza Armando Palacio Valdés.