La naguración de la esposición de Sidrografíes foi un auténticu ésitu, tantu de convocatoria comu en repercusión mediática, y por supuestu pola calidá de la obra presentada por Xurde Margaride.
Les sidrografíes ellaboraes por Xurde Margaride, cola xida del númberu 100 de LA SIDRA suponen una anovación única nel mundiu de la cultura sidrera asturiana, qu'impresionó a los asistentes tantu pola orixinalidá de la téunica (mui básicamente consiste n'introducir la sidre nel procesu de reveláu de la semeya) comu polos resultaos algamaos cola mesma.
En pallabres del autor: “Una sidrografía ye una obra única, tien un aspeutu turriáu que podríe remembramos la osidación d'una mazana, y un golor qu'ensin dulda dexa bien nido cual ye'l componente principal d'esta obra".
L'interés que despertó esti trabayu llevolu a ser portada de LNE nel díi d'ayeri http://medias.lne.es/portadas/2012-06-15_POR_2012-06-08_03_42_08_56_ejemplar2012060800.pdf
y cuntó con una perimportante repercusión mediática.
Pa conocer meyor les carauterístiques d'esta esposición encamentámosvos a visitala, y tamién a consultar la ueb del autor:
La esposición de Sidrografíes nagurada na Sidrería La Galana, tará abierta fasta'l 25 d'esti mes.
Subscribe to RSS Feed
