El sábadu 21 de xineru cellebraráse nel Ca Beleño d'Uviéu una tastia guiada d'auguardiente de sidre, col que LA SIDRA afonda na so dinámica d'averar la sidre y los sos derivaos a la sociedá asturiana.
El Cá Beleño (Martínez Vixil 4. Uviéu) ye'l llugar escoyíu pa cellebrar esta orixinal tastia, na que podrán prebase un total de 5 auguardientes estremaos, 3 asturianos y 2 franceses, tando previsto qu'a la mesma asista dalgún de los sos ellaboraores pa presentamos el so productu.
La tastia guiada sedrá impartía polos nuesos collaboraores Manuel Busto y Donato X. Villoria, que darán unes orientaciones que permitirán apreciar les carauterístiques d'estos auguardientes de sidre.
La tastia cellebraráse'l prósimu sábadu 21 de xineru de magar les 20 hores (puntualidá asturiana) nel Ca Beleño d'Uviéu, y los participantes podrán prebar fasta dos culinos de caún de los auguardientes presentaos.
El preciu sedrá de 8 €, 6 € pa collaboraores o soscritores de LA SIDRA
Comu d'avezu, el númberu de places ye necesariamente llimitáu y ye preciso iscripción previa en: This e-mail address is being protected from spambots. You need JavaScript enabled to view it
