Inicio > Cultura sidrera > Hestoria y cultura de la sidre nel conceyu Siero
Cultura sidreraLlibrosSin categoría

Hestoria y cultura de la sidre nel conceyu Siero

El nuevu llibru del investigador Luis Benito García asoléyase sofitáu polos llagares locales.

LA SIDRA.- Tres llitigar cola Casa Conceyu de Siero por nun paga-y l’encargu, acaba de ser espublizáu’l llibru de Luis Benito García, quien considera que Siero ye, al empar, un gran ellaborador y gran consumidor de sidre.

Esti hestoriador enceta la tema de les bébores polo xeneral y la sidre en particular, analizando’l so importante papel social na hestoria de la nuesa cultura.

Anguañu, el so trabayu estrémase ente la Fundación del Muséu de la Sidre de Nava y el Centru d’Interpretación Armando Palacio Valdés de Llaviana. Tamién forma parte na Universidá d’Uviéu del grupu MIRAR d’investigación d’Hestoria Contemporánia y del Arquivu de Fontes Orales pa la Hestoria Social d’Asturies.

Nes sos pallabres, la sidre ye un ellementu perimportante na hestoria sociocultural d’Asturies, siendo’l Muséu de la Sidre una pieza fundamental a la hora de reivindicar la cultura sidrera por aciu’l so sofitu a la investigación.

Autor de llibros como Les Representaciones de la Sidre: el contestu social de la sidre al traviés de la lliteratura y la pintura asturianes (1850-1939) y Sidre y Mazana n’Asturies: sociabilidá, produición y consumu (1875-1936), considera que sobren les razones por que la UNESCO declare la cultura de la sidre Padremuñu Inmaterial de la Humanidá.

(Visited 34.363 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies