Inicio > Internacional > Harry Potter y l’Árbol de la Sidre
InternacionalSidreturismu

Harry Potter y l’Árbol de la Sidre

J.K. Rowling sosprendía pol orixinal árbol navidiegu xixonés.

LA SIDRA.- La escritora británica J.K. Rowling, que na rede social Twitter amosábase encantada con un árbol navidiegu escocés fechu de nases y coronáu con un cámbaru, recibió la rempuesta d’una xixonesa na que-y unviaba una semeya del famosu Árbol de la Sidre asitiáu nel puertu deportivu.

Nel twit comentaba que na ciudá teníemos un árbol navidiegu fechu con botelles de sidra reciclaes. Y ye verdá.

Naguráu’l 25 d’agostu de 2013, coincidiendo cola Fiesta de la Sidre de Xixón d’esi añu, ta formáu por 3.200 botelles de sidre reciclaes, lo que representa’l consumu mediu de cien families al añu.

Escurrióse col fin de inculcar el recicláu ente los ciudadanos y l’empresa barcelonesa Labaula Arquiteutos foi la ganadora del concursu impulsáu por EMULSA. Anguaño, coles sos botelles de sidre del revés asemeyando l’escanciáu y xuna farola agospiada nel so interior p’allumalu, ye únde los monumentos más curiosos de Xixón, xuntu coles “lletrones”.

Y anque tol mundiu lu conoz como l’Árbol de la Sidre, el so braeru nome ye Módulu Sicera: “módulu” por ser una estructura repetitiva y “sicera” por ser la pallabra llatina utilizada pa denominar la sidre.

(Visited 12.963 times)
A.M.V.
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies