Inicio > Eventos > El SISGA protagonista de LA SIDRA d’ochobre
EventosGastronomíaInternacionalLlagaresSidreturismuSISGATasties

El SISGA protagonista de LA SIDRA d’ochobre

El VII Salón Internacional de les Sidres de Gala cunta con un ampliu reportaxe na edición de la revista LA SIDRA d’esti mes.

VER ARTÍCULU

VER GALERÍA DE SEMEYES

LA SIDRA.- Como nun podía ser d’otra miente, el VII SISGA ye protagonista principal na edición de la revista LA SIDRA del mes d’ochobre (Nb. 166), apaeciendo en portada col entítulu “Histórica edición del SISGA. Un escaparate de tendencias”,  sobro la semeya de la dellegación xaponesa participante nesta hestórica edición.

 

En total 55 páxines apinaes de conteníos escritos y gráficos que permiten facese una idega fiel de lo que foi esti eventu sidreru internacional cellebráu en Xixón y que se desendolca n’estremaos escenarios como son los llagares JR, Castañón, Piñera, El Duque, y los restoranes Somió Park y El Duque, y perespecialmente la Colexata San Xuan Bautista, onde tuvo llugar por segundu añu consecutivu la xornada de tastia abierta, na que los amantes de la sidre pudieron esfrutar de la oportunidá única de gociar de les meyores sidres del panorama internacional, teniendo en cuenta que nesta edición participaren llagareros de cuatro continentes y de países tan alloñaos como Sudáfrica, Xapón o los Estaos Xuníos, arriendes d’una amplia representación d’Europa.

Asina mesmo, tamién se recueye la composición del Xuráu Internacional de los Premios SISGA, y la rellación de la sidre gallardonada con estos prestixosos premios, nos qu’hai de destacar el perbón resultáu de la sidre asturiano, qu’algamó 18 de los 36 Premios SISGA concedíos nesta edicion.

(Visited 2.466.327 times)
Compartir

10 thoughts on “El SISGA protagonista de LA SIDRA d’ochobre

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies