Inicio > Sin categoría > D’aves y pumares
Sin categoría

D’aves y pumares

Una investigación evidencia’l papel beneficiosu de les aves pal pumar de sidre.

LA SIDRA.- Un recién estudiu de la Universidá d’Uviéu y el Serida espublizáu na revista Agriculture Ecosystems and Environment conclúi col importante serviciu qu’empresten les aves nel control de plagues de les pumaraes de la fastera central d’Asturies.

La bayura y riqueza d’especies d’aves insectívores foi oxetu d’estudiu por aciu esperimentos de campu, observaciones direutes y censos d’aves demientres tou un añu.

Deteutáronse alrodiu de 30 especies estremaes d’aves insectívores y de vezu arborícola, dende los minúsculos reyinos, que llimpien de pulgones y corcoxos les vares más fines, a picatueros, qu’acaben colos insectos de los tueros y les pupes del vierme de la mazana.

Les especies más comunes, como’l raitán o’l carboneru común, son capaces d’amenorgar les plagues del pumar fasta nun 80%, lo que repercute de forma positivo na produición de mazana de sidre na fastera central asturiana.

(Visited 2.445.419 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies