Un titular apaecíu en La Nueva España despierta la polémica sobro'l cosmopaletismu nel mundiu la sidre y apunta a l’aculturización de la mocedá asturiano.

LA SIDRA.- L'artículu en custión diz “Belén Esteban, de sidras por Mieres”, y apaez firmáu por Julio Vivas, y llóxicamente lo de “de sidras” fexo sangrar los güeyos de munchos asturianos énte semeyante “cazurrada”, -anque más bien trátase d’una madrilañada-, y les redes sociales escomenzaron a furrular.

La denuncia xeneralizada del cosmopaletismu que lleva a llamar “bodegueros” a los llagareros “bodegas” a los llagares “plantaciones de manzanos” a les pumaraes, “culines” a los culinos”, “caldo” pa referise a la sidre y milenta espresiones más asemeyaes, tamién tuvo rempuesta disculpando les presiones del mediu de comunicación, y la posibilidá de que’l periodista nun fuere asturianu, incluso hebio daqué cosmopaletu impenitente quien defendió que lo de “ir de sidras” yera lo moderno, y el futuru, y qu’oponese a ello ye de fatos....

LA SIDRA espubliza un planu de Xixón p’atopar los principales chigres de Xixón

LA SIDRA.- Coincidiendo cola Selmanona xixonesa, LA SIDRA fexo una edición especial d’un planu de la ciudá nel que s’asitien los chigres collaboraores de la revista, un total de 191 referencies pa que los visitantes puean conocer onde s’afayen les principales sidreríes.

Con una edición de más de 50.000 exemplares, distribuyíos principalmente nes oficines de turismu de Xixón, hoteles y en llugares d’afluyencia turístico, como la Feria Muestres, trátase d’una iniciativa d’induldable interés informativu que sirve p’averar la ufierta sidrera de Xixón al turismu, y que ta teniendo yá dende un entamu una espeutacular acoyía ;ente la xente.

Esti llocal tamién destaca pol so curiáu na sidre y pola amabilidá d'Alberto y Marisol.

LA SIDRA.- Una de les coses que más esfruto del mio trabayu ye la gran cantidá d'establecimientos que puedo conocer, y afayar nellos platos propios de sidreríes pero que destaquen pola so bona ellaboración. Raciones que son del gustu de la mayoría de los asturianos pero que, “bien fechos”, como se suel dicir, son un auténtica delicia para quien esfrutamos colos saborgos típicos que dan los productos d'esta tierra y d’esta mar. Exemplu d'ello atopelu fai yá tiempu na Sidrería Noriega. Asitiada nel xixonés Barriu la Sidre (Juan Alvargonzález 52), esti llocal distínguese pola bona man en cocina de Marisol y el curiáu qu'Alberto da a la sidre qu'ende echen.

Entama en collaboración con CASINTRA una nueva campaña publicitaria pal Estáu español y bona parte d'Europa.

LA SIDRA.- El Conseyu Regulaor de la DOP Sidre d'Asturies presentó nes istalaciones de la empresa de tresportes CASINTRA la so nueva campaña publicitaria, destinada a continuar cola promoción de Sidre d'Asturies nel Estáu español y bona parte del restu d'Europa.

Pa ello llegó a un alcuerdu publicitariu cola empresa de tresportes pa rotular les traseres de 30 de los sos camiones: 25 tan destinaos a la promoción de la Sidre d'Asturies natural, mentes que los 5 restantes promocionaran les otres tres variedaes.

Artículu de David Castañón n'Infoasturies.com alrodiu de la sidre asturiano y la declaración de la cultura asturiana de la sidre como Padrimoniu Imaterial de la Humanidá pola UNESCO. David Castañón – www.lesfartures.com – @lesfartures

A contrasén de lo que munchos dicen, yo sí creo que la creación de la Sidra DOP Vasca ye positiva. Los asturianos, solemos ser asina, nun faemos nada hasta que vemos l`amenaza (y dacuando nin eso).

Llevamos años vendiendo “Spanish Cider” nel esterior ensin pescancianos que tamos faciendo publicidá de baldre a la sidra vasco, ello ye qu`enforma la nuesa sidra confúndese cola d`ellos.

Lleer más

El Conseyu Regulaor de la Sidre d'Asturies DOP anunció que va solicitar la inclusión de 54 nueves races de mazana autorizaes pa la ellaboración de la so sidre.

LA SIDRA.- La polémica entamó dende'l propiu aniciu de la DOP Sidre d'Asturies ónde namás s'autorizaren 14 races de mazana de les más de 2.000 races autóctones asturianes, y pasu ente pasu paez que van iguándose les coses, primero cola incluxón d'ocho, y agora cola prósima incorporación d'otres 54, lo que fadrá que seyan 76 les races almitíes pa la DOP Sidre d'Asturies, perpoques proporcionalmente, y ainda más si camentamos que por exemplu la DOP vasca inclúi 105 races de les poco más de 500 races autóctones coles que cuenten.

Namás en Guipuzcoa, les istituciones vasques invierten n’aídes a pumaraes de sidre 290.000 euros, mentes el “Principado” nun invierte más que 50.000.

LA SIDRA.- Carmen Fernández, diputada de Foro y portavoz de Recursos Naturales na Xunta Xeneral, comparó la promoción del pumar de sidre que se fai nuna sola de les provincies vasques cola que fai tol “Principado”, poniendo n’evidencia que mentes n’Asturies nun s’invierten más que 50.000 euros, namás en Guipúzcoa lleguen cuasique a sestuplicar esa cantidá: 290.000 €

La diputada de Foro punxo asina n’evidencia’l desenfotu del “Principado” respeutu a la sidre, y alvirtió que mentes equí se ta desdexando’l seutor, n’otres comunidaes ta faciéndose un auténticu esfuerciu por que vaiga a más, colo que'l futuru que mos espera paez nidiu.

La sentencia, que yá ye firme, obliga a dicha Conseyería a valorar de nueu tolos proyeutos presentaos a les sovenciones a medios de comunicación en 2015, por falta de motivación a la hora de valorar los  mesmos.

LA SIDRA.- Normalizar l’usu del asturianu y faelu visible socialmente ye un oxetivu al qu’intentamos contribuyir dellos medios de comunicación como la revista LA SIDRA y la web lasidra.as . Ello asina, cuando la Conseyería d’Educación y Cultura del “Principado” convocó nel 2015 una llinia de sovenciones a medios de comunicación pa la normalización social del asturianu, presentáronse en tiempu y forma los respeutivos proyeutos dau que se cumplía dafechu con toles condiciones de dicha convocatoria.

Por embargu, la citada Conseyería descalificó dambos proyeutos, ensin motivar la puntuación otorgada, llegando inclusu a puntuar con un ceru l’asturianu utilizáu, cuando un estudiu de L’Academia de la Llingua Asturiana, másima autoridá istitucinal en materia llingüístico, estimó correchu l’asturianu emplegáu tanto pola revista LA SIDRA como pola páxina ueb lasidra.as.

duque_peq3.jpg

02493716
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
7900
9588
26680
1412246
117105
322697