El Festival de la Sidre de Copenhague ye’l principal festival sidreru d’Escandinavia, y cuntará cola participación del llagar Riestra en representación d’Asturies.

LA SIDRA.- Como davezu LA SIDRA tará presente nesti interesante festival sidreru internacional nel que participen un total de 25 llagares, ente ellos el sareganu Llagar Riestra.

Once llagares sirvieron 140 caxes de sidre a los participantes nel XVII Festival de la Sidre de Navia.

VER SEMEYES

LA SIDRA.- Entamáu pola Banda del Militrón, el Festival de la Sidre de Navia tornó a llevar la música del país, el bon ambiente, la diversión, y sobro too, la sidre, a la Dársena onde centenares de presones cellebraron esti eventu que marca l’entamu de les fiestes patronales.

Como davezu, el sistema foi mercar un vasu comemorativu col que podía prebase tola sidre que se quinxere de los once llagares asturianos qu'apurrieron la so sidre pa esti eventu.

Convocáu pola Asociación de Fomentu de la Sidre Tradicional Asturiana, pal prósimu 20 d'agostu.

LA SIDRA.- Los concursos de sidre casero siguen xeneralizándose per tol país, permitiendo siguir esfrutando de la sidre tradicional fecho en casa, coles sos virtúes y defeutos, pero siempres auténtica. Dientru d'estos concursos de sidre casero, el de Villaviciosa, yá na so decimo segunda edición, ye un referente obligáu, siendo ensin dubia dala, el más importante d'estes carauterístiques n'Asturies, lo qu'en términos de sidre, vien a ser de tol mundiu. 

Los entamaores del concursu, l'Asociación de Fomentu de la Sidre Tradicional Asturiana anuncien dalguna novedá que mos dirán dando a conocer, y agradecen a Sidra Mayador el que-yos permitiere usar el so llogu tan carauterísticu "que siempres mos prestó y ye mui acorde pal eventu".

Confírmase’l calter ca vuelta más internacional del eventu, qu’esti añu cuntará con presencia xaponesa y surafricana.

LA SIDRA.- La  sétima edición del Salón Internacional de les Sidres de Gala sedrá ensin dubia la más internacional de toles ediciones darréu qu’à l’avezada participación europea esti añu amestaráse la xaponesa (llagar Tamura) y la surafricana (llagar Sxollie), y tovía ta pendiente dalguna qu’otra sospresa que diremos confirmando.

Esti postrer llagar, el de Sxollie, ye de Ciudá del Cabu y ellabora una sidre con mazana del so país, formientao en tinos d’acieru inosidable con dieldu de xampán, con  un corcháu percuriáu y discreta carbonatación que dan como resultáu “una sidre llixera, fácil de beber que captura la sencia de la fruta”

Cellebraráse esti vienres 11 d'agostu y ta entamáu pola Banda del Militrón.

LA SIDRA.- La Banda del Militrón ta tresnando los postreros detalles pa cellebrar esti prósimu vienres el Festival de la Sidre Villa de Navia. Esti festexu cunta tamién cola collaboración de Sofinavia, de varies de les sidreríes de la llocalidá y del ayuntamientu. Un añu más torna esta cellebración que se convirtió nuna cita imprescindible pa tolos que quieran esfrutar de la nuesa emblemática bébora nel ocidente asturianu.

Tovía tamos a la muera de saber los llagares que participarán nesta sétima edición. L'añu pasáu por namás dos euros, los asistentes pudieron esfrutar de la sidre de Vallina, Zapatero, Roza, Castañón, Viuda de Angelón, Viuda de Corsino, Trabanco, Vigón, Muñiz y Foncueva asina como de toles actividaes enartaes dientru'l festival, ente elles varies actuaciones de música'l país y de tonada asturiana.

Quien nun conoza'l Descensu'l Seya, nun sedrá atalantalo, pero la fiesta de les piragües ye ún de los eventos más sidrereros del nuesu país.

VER SEMEYES

LA SIDRA.- Les semeyes del nuesu fotógrafu Ástur Montes, permítenmos averamos a lo que foi una folixa perasturiana onde la sidre foi protagonista indiscutible, y ye que como decíemos nel entamu, la folixa, la sidre y les piragües son too un.

La llocalidá llionesa cellebró ayeri la III Fiesta de la Sidre, con perbona rempuesta popular.

VER SEMEYES

LA SIDRA.- L'eventu cuntó con sidre asturiano de Trabanco, Cabueñes, Cortina, Fanjul y Angones, llionesa -El Agüelo y Carral-, y tamién del País Vascu -Bereziartua- y Galicia.

 

Siete restoranes participaren esti añu na XLVIII Fiesta de la Sardina de Candás, onde miles de presones atarraquitaron el Parque San Antón y alrodios pa degustar más de 4.000 kilos de sardines, ya incontables caxes de sidre.

VER SEMEYES

LA SIDRA.- Los restoranes candasinos Casa Repinaldo, El Xigrín, Brisas Candasinas, El Nordeste y El Llagarón, el gozoniegu La Marina (Lluanco) y el xixonés El Frontón participaron esti añu na XLVIII de la Fiesta de la Sardina de Candás, onde se vendieron más de 4.000 kilos de sardines y sidre asgaya nuna tardi na que'l nuberu aguantó ensin presentase.

duque_peq3.jpg

02493730
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
7914
9588
26694
1412246
117119
322697