La selmana pasada, el Llagar Sidrería El Cabañón -Naves, Llanes- cellebró la so tradicional espicha-corderada.

LA SIDRA.- El conocíu "llagareru-chigreru-showman" Jacinto Vela Carriles agasayó a los sos convidaos, collacios, veceros, chigreros y llagareros con una espichona pa cellebra el branu llaniscu.

Nesta multitudinaria espicha participaron los llagareros de Huerces, El Güelu y El Cuchareru, los parrilleros de J.J. de Llanes y de La Veguca de San Roque de L’Acebal, xente de la cuenca, como los de Casa Xuaquina de La Nueva y  xente de Xixón, como’l 4 veces campeón d’echaores Pablo Costales de la Sidrería El Cuetu.

La versión del “Súbeme la radio” d’Enrique Iglesias, afayada por Jony Llera arrasa nes redes sociales.

VER VIDIU

LA SIDRA.- Rializada en collaboración con “Al Platu Vendrás”, el “Súbeme la sidra” ye agora mesmo l’auténticu canciu del branu asturianu, con alrodiu de 300.000 reproduciones en facebook, y una amuesa más de la vitalidá de la cultura asturiana de la sidre, y de como ésta mos identifica como asturianos.

Carmen Fernández: “El Gobiernu d'Asturies esbardia les sos competencies a da-y puxu a la sidre mentes el seutor esfuérciase díi ente díi por aumentar la produición".


LA SIDRA.- La diputada de Foro y portavoz de Desendolcu Rural na Xunta Xeneral del "Principado", Carmen Fernández, de magar del actu dellebráu'l pasáu díi 20 pa la presentación de la campaña 2017 nel Salón Sidre d'Asturies 2017 quinxo felicitar al "seutor sidreru" al empar que siñaló que'l Gobiernu d'Asturies esbardia les sos competencies pa dar puxu a la sidre mentes el seutor esfuérciase díi ente díi por aumentar la produición".

El Campionatu Oficial d'Echaores enartóse dientru les actividaes de la fiesta de Mieres del Camín, pero queda muncho más.

LA SIDRA.- El Campionatu Oficial d'Echaroes tevo la so segunda parada na llocalidá de Mieres de Camín, dientru les actividaes que se realicen por cuenta de la Fiesta de San Xuan que lleva a cabu nel conceyu de 16 a 24 de xunu. Asina, nesta competición que se rializó na Plaza Requexu, Wilkin Aquiles quedó en primer llugar con 116,3 puntos; el segundu puestu foi para Salvador Ondón que llogró 115,8; y el terceru n'entrar al podiu foi Jeison Franco con 115,4. Jonatan Trabanco, Pablo Suárez y Marcos Ramos quedaron en cuartu, quintu y sestu puestu respeutivamente.

El concursu escomenzó un pocu acullá les cinco y media la tardi. El motivu obedeció a que Televisión  Española quería tresmitir en direutu l'alcuentru. Pero inda queden abondes actividaes a les qu'asistir nes Fiestes de San Xuan.  Güei, díi 23, víspora de San Xuan, ye, ensin dulda, la xornada más tradicional y máxica de toles fiestes, cola foguera y la Danza Prima como grandes protagonistes de magar la medianuechi.

Na XV Presentación de la Collecha de la DOP anuncióse la xunión ente la sidre con Denominación d'Orixe y la Sidre d'Escoyeta.

LA SIDRA.- "Agora tamos toos nun mesmu barcu, como tuvo de ser siempres" dixo Celestino Cortina, presidente del Conseyu Regulaor DOP Sidre d'Asturies demientres el so discursu d'apertuna na XV Presentación de la Collecha de la sidre acoyío a la Denominación d'Orixe. Un momentu que pasará a a la hestoria de la sidre asturiano yá que foi Cortina'l qu'anunción la xunión de les dos marques de calidá del país: la DOP Sidre d'Asturies y la Sidre d'Escoyeta. Una integración que llevaba esperándose cuantayá y que demientres los postreros díis los medios de comunicación yá la daben por confirmada. Pero tamién hebio más noticies, na DOP incluyiránse amás de les marcas de Sidre d'Escoyeta -Muñiz, Trabanco, Peñón y Foncueva- otres cuatro más: JR, Frutos, La Llarada y Viuda de Corsino. Asina nel prósimu salón sedrán 30 les sidres que llevarán la etiqueta de la DOP Sidre d'Asturies.

Ye una receta d'El Fartuquín y nel platu apreciase la esperiencia en cocina

VER VIDIU

LA SIDRA.- Les persones que moren n'Uviéu ensin dulda conocen lo bien que se come n'El Fartuquín (carpio 19. Uviéu). Yo conózolu dende l'añu 2006, un poco dempués de la mio vuelta a Asturies. Foi nesi llugar onde comí la mio primer carne a la piedra. Enxamás nun la probara d'esta manera y como a min gústenme les carnes poco feches –pero a la mayoría de los mios amigos non– pos paecióme una escelente forma de poder esfrutar de la carne collorao según el puntu que queramos da-y.

Pero nesta ocasión quinxera emponderar otra de les especialidaes que tienen nesti restorán que cunta con unos 17 años de trayeutoria y que supo caltenese ufiertando una cocina tradicional, pero na que tamién s'inclúin ellaboraciones propies con toques contemporaneos.

La DOP Sidre d'Asturies quier reforzar el significáu de la pallabra Auténticu colos hosteleros.

LA SIDRA.- El CR DOP SIDRE d’Asturies presentó ayeri la so nueva campaña publicitaria, protagonizada por 21 hosteleros del seutor sidreru, como principales prescriptores de la Sidre d’Asturies DOP. Trátase d'una continuación de la campaña del añu pasáu, protagonizada por Rodrigo Cuevas, y qu'aseguren que llogró bonos resultaos. “Xenuina, auténtica, única”, son dalgunos de los valores que s'escuenden tres esta campaña y que describen dalgunes de les propiedaes de la SIDRE d'Asturies con denominación d'Orixe. La campaña va enllargar mientres dos meses, hasta'l prósimu 15 d'agostu, y va tener espardimientu al traviés de toles canales de comunicación: prensa escrito, radio, televisión, redes sociales y distintos soportes esteriores.

duque_peq3.jpg

02025139
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
5705
13252
31202
914011
264713
211993