El Festival de la Sidre de Copenhague ye’l principal festival sidreru d’Escandinavia, y cuntará cola participación del llagar Riestra en representación d’Asturies.

LA SIDRA.- Como davezu LA SIDRA tará presente nesti interesante festival sidreru internacional nel que participen un total de 25 llagares, ente ellos el sareganu Llagar Riestra.

Un titular apaecíu en La Nueva España despierta la polémica sobro'l cosmopaletismu nel mundiu la sidre y apunta a l’aculturización de la mocedá asturiano.

LA SIDRA.- L'artículu en custión diz “Belén Esteban, de sidras por Mieres”, y apaez firmáu por Julio Vivas, y llóxicamente lo de “de sidras” fexo sangrar los güeyos de munchos asturianos énte semeyante “cazurrada”, -anque más bien trátase d’una madrilañada-, y les redes sociales escomenzaron a furrular.

La denuncia xeneralizada del cosmopaletismu que lleva a llamar “bodegueros” a los llagareros “bodegas” a los llagares “plantaciones de manzanos” a les pumaraes, “culines” a los culinos”, “caldo” pa referise a la sidre y milenta espresiones más asemeyaes, tamién tuvo rempuesta disculpando les presiones del mediu de comunicación, y la posibilidá de que’l periodista nun fuere asturianu, incluso hebio daqué cosmopaletu impenitente quien defendió que lo de “ir de sidras” yera lo moderno, y el futuru, y qu’oponese a ello ye de fatos....

Once llagares sirvieron 140 caxes de sidre a los participantes nel XVII Festival de la Sidre de Navia.

VER SEMEYES

LA SIDRA.- Entamáu pola Banda del Militrón, el Festival de la Sidre de Navia tornó a llevar la música del país, el bon ambiente, la diversión, y sobro too, la sidre, a la Dársena onde centenares de presones cellebraron esti eventu que marca l’entamu de les fiestes patronales.

Como davezu, el sistema foi mercar un vasu comemorativu col que podía prebase tola sidre que se quinxere de los once llagares asturianos qu'apurrieron la so sidre pa esti eventu.

LA SIDRA espubliza un planu de Xixón p’atopar los principales chigres de Xixón

LA SIDRA.- Coincidiendo cola Selmanona xixonesa, LA SIDRA fexo una edición especial d’un planu de la ciudá nel que s’asitien los chigres collaboraores de la revista, un total de 191 referencies pa que los visitantes puean conocer onde s’afayen les principales sidreríes.

Con una edición de más de 50.000 exemplares, distribuyíos principalmente nes oficines de turismu de Xixón, hoteles y en llugares d’afluyencia turístico, como la Feria Muestres, trátase d’una iniciativa d’induldable interés informativu que sirve p’averar la ufierta sidrera de Xixón al turismu, y que ta teniendo yá dende un entamu una espeutacular acoyía ;ente la xente.

Convocáu pola Asociación de Fomentu de la Sidre Tradicional Asturiana, pal prósimu 20 d'agostu.

LA SIDRA.- Los concursos de sidre casero siguen xeneralizándose per tol país, permitiendo siguir esfrutando de la sidre tradicional fecho en casa, coles sos virtúes y defeutos, pero siempres auténtica. Dientru d'estos concursos de sidre casero, el de Villaviciosa, yá na so decimo segunda edición, ye un referente obligáu, siendo ensin dubia dala, el más importante d'estes carauterístiques n'Asturies, lo qu'en términos de sidre, vien a ser de tol mundiu. 

Los entamaores del concursu, l'Asociación de Fomentu de la Sidre Tradicional Asturiana anuncien dalguna novedá que mos dirán dando a conocer, y agradecen a Sidra Mayador el que-yos permitiere usar el so llogu tan carauterísticu "que siempres mos prestó y ye mui acorde pal eventu".

Confírmase’l calter ca vuelta más internacional del eventu, qu’esti añu cuntará con presencia xaponesa y surafricana.

LA SIDRA.- La  sétima edición del Salón Internacional de les Sidres de Gala sedrá ensin dubia la más internacional de toles ediciones darréu qu’à l’avezada participación europea esti añu amestaráse la xaponesa (llagar Tamura) y la surafricana (llagar Sxollie), y tovía ta pendiente dalguna qu’otra sospresa que diremos confirmando.

Esti postrer llagar, el de Sxollie, ye de Ciudá del Cabu y ellabora una sidre con mazana del so país, formientao en tinos d’acieru inosidable con dieldu de xampán, con  un corcháu percuriáu y discreta carbonatación que dan como resultáu “una sidre llixera, fácil de beber que captura la sencia de la fruta”

Cellebraráse esti vienres 11 d'agostu y ta entamáu pola Banda del Militrón.

LA SIDRA.- La Banda del Militrón ta tresnando los postreros detalles pa cellebrar esti prósimu vienres el Festival de la Sidre Villa de Navia. Esti festexu cunta tamién cola collaboración de Sofinavia, de varies de les sidreríes de la llocalidá y del ayuntamientu. Un añu más torna esta cellebración que se convirtió nuna cita imprescindible pa tolos que quieran esfrutar de la nuesa emblemática bébora nel ocidente asturianu.

Tovía tamos a la muera de saber los llagares que participarán nesta sétima edición. L'añu pasáu por namás dos euros, los asistentes pudieron esfrutar de la sidre de Vallina, Zapatero, Roza, Castañón, Viuda de Angelón, Viuda de Corsino, Trabanco, Vigón, Muñiz y Foncueva asina como de toles actividaes enartaes dientru'l festival, ente elles varies actuaciones de música'l país y de tonada asturiana.

Esti llocal tamién destaca pol so curiáu na sidre y pola amabilidá d'Alberto y Marisol.

LA SIDRA.- Una de les coses que más esfruto del mio trabayu ye la gran cantidá d'establecimientos que puedo conocer, y afayar nellos platos propios de sidreríes pero que destaquen pola so bona ellaboración. Raciones que son del gustu de la mayoría de los asturianos pero que, “bien fechos”, como se suel dicir, son un auténtica delicia para quien esfrutamos colos saborgos típicos que dan los productos d'esta tierra y d’esta mar. Exemplu d'ello atopelu fai yá tiempu na Sidrería Noriega. Asitiada nel xixonés Barriu la Sidre (Juan Alvargonzález 52), esti llocal distínguese pola bona man en cocina de Marisol y el curiáu qu'Alberto da a la sidre qu'ende echen.

duque_peq3.jpg

02493627
Güey / Today
Ayeri / Yesterday
Nesta Selmana /This Week
Na Caber Selmana /Last Week
Nesti Mes /This Month
Nel Caber Mes /Last Month
7811
9588
26591
1412246
117016
322697